Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 282,010 Auteur: Lanfranc Cigala Genre: Chanson religieuse Numero: XXXIX

Gloriosa Sainta Maria

I
1
Gloriosa Sainta Maria,
   
E·us prec e·us clam merce qe·us plaia
    Lo chanz que mos cors vos presenta;
   
E s'anc iorn chantei de follia
 
5
Ni fis coblas d'amor savaia,
   
Ar vueil virar tota m'ententa
   
E chantar de vostr'amor fina,
   
Qu'autr'amors no vueill [plus] que·m vensa;
   
Q'anc no·i trobei ioi mas pezansa.
 
10
Mais la vostra sai qu'es mezina
   
De totz los mals, per que m'agensa
    Metr'en vos tota m'esperansa.
     
II
 
Qui de l'amor del mont follia,
   
Es nafratz d'una mortal plaia,
 
15
Per qu'es fols cel que·s n'atalenta;
   
Mas cel que vostr'amors chastia,
   
No·il faillira que ioi non aia,
   
E non er mais que de mal senta.
   
E car eu sui poingz de l'espina
 
20
Del mon, veing a vos per guirensa,
   
Que·m sanes per vostra pidansa
   
E que·m fassas, dousa Reina,
   
Mon cor e tota m'entendensa
    Pausar en vostra fin'amansa.
     
III
25
Pensan que·us ai per leuiaria
   
Mesfaig, ben es dregz que·m desplaia
   
E qu'eu de bon cor me·n repenta;
   
E si merces no m'es amia,
   
Tot mon afar tem que dechaia,
 
30
Que razos fort me n'espaventa,
   
Qi no m'es parens ni vezina,
   
Ans m'es a dan per ma faillensa,
   
E vei que m'aduz desfiansa,
   
Si vostra merces no·us declina
 
35
Vas me e no·m fai mantenensa;
    Et eu en aiso ai fiansa.
     
IV
 
Sol que vostra merces mi sia
   
Aiudaritz, dretz no m'esmaia,
   
Ni blan razon ni sa parenta.
 
40
Pero mergut ai dretz m'aucia!
   
Mas vostra merces me n'estraia,
   
E ia ma mort non li consenta!
   
Pos cel, cui sels et terr'aclina,
   
Pres del vostre bel cors naissensa
 
45
E·s noiric ab vos en enfansa,
   
Preiatz sa maiestat divina
   
Q'aia merce e sovinensa
    Al iutiar et oblit veniansa.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI