Gambino, Francesca. Canzoni anonime di trovatori e "trobairitz". Alessandria: Edizioni dell'Orso, 2003.

Code: 461,143 Auteur: Anonyme Genre: Canso Numero: XVI

La beutat nominativa

I		La beutat nominativa
		che avetz, e·l gran valor,
		dona de pretz genetiva,
		m'aleuia de ma dolor
	5	crezen che·m seretz dativa,
		bella, de vostre ricor,
		pois no m'es acusativa
		per conseil d'acuzador.
II		E s'ieu ia, bella, tan vail
	10	ch'amdui siam coniuntiu,
		nostre ferm cor optatiu,
		pois non prezerai un aill
		cels c'ab voluntat ativa
		pauzan contra mi eror
	15	e pugnon che disiuntiva
		sia nostra fin'amor.
III		Fama es indichativa
		che ven gaug apres dolor,
	20	tan qe n'ai mon mal menor.
		Quan sera copulativa
		car tenguda nostr'amor,
		ia non er de mal passiva.
		Ieu dich ver, per ch'ai paor.
IV	25	E car es nominativa,
		volgr'aver un genetiu
		de vos, chi es enperativa.