Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 101,017 Auteur: Bonifaci Calvo Genre: Sirventes Numero: LXI

Un nou sirventes ses tardar

I	1	Un nou sirventes ses tardar
		Vueil al rei de Castella far,
		Car no·m sembla ni pes ni crei
		Q'el aia cor de guerreiar
	5	Navars ni l'Aragones rei;
		Mas pos dig n'aurai zo qe dei,
		El faz'o qe qiser fazer.
II		Mas ieu oug ia maintos dizer
		Que el non los qier cometer
	10	Si non de menassas, e qen
		Qer de guer'ondrado seer,
		Se ieu mun ben qe lli coven
		De meter hi cuidad'e sen,
		Cuer e cors aver et amis.
III	15	Per qoi ia diz au roi, se pris,
		Vuet avoir de ce q'a empris,
		Qe il guerrei sens menacier
		Qe rien no mont', au mien avis;
		Qe ia por voir oï comtier
	20	Que el puet tost au chanp trover
		Li doi rei, se talent en a.
IV		E se el aora non fa
		Vezer en la terra de la
		Sa tenda e son confalon
	25	A lo rei de Navarr'e a
		So sozer lo rei d'Aragon,
		A caniar averan razon
		Tal qe solon de lui ben dir.
V		E comenzon a dire ia
	30	Qe mais qer lo reis de Leon
		Cassar d'austor o de falcon
		C'ausberc ni sobreseinh vestir.