Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire
* Observations

* Présentation
* Bibliographie
* Témoignage
* Appareil critique
* Notes
* Images

Nicholson, Derek E. T. The Poems of the Troubadour Peire Rogier. Manchester: Manchester University Press, 1976.

Code: 356,001 Auteur: Peire Rogier Genre: Vers Numero: I

Al pareyssen de las flors

I
1
Al pareyssen de las flors,
   
quan l’albre·s cargon de fuelh,
   
e·l temps gens’ab la verdura
   
per l’erba que creys e nays;
 
5
doncx es a selhs bon’amors,
   
qui l’an em-patz ses rancura,
    q’us ves l’autre non s’erguelha.
     
II  
Bos drutz non deu creir’auctors
   
ni so que veiran sey huelh
 
10
de neguna forfaitura,
   
don sap que sa dona·l trays;
   
so que dis qu’a fait alhors
   
creza, si nonca lo jura,
    e sso que·n vi dezacuelha.
     
III
15
Qu’ieu vey de totz los melhors
   
qui senpr’en devenon fuelh,
   
qu’enqueron tan lur dreytura
   
tro que lur dompna·s n’irays.
   
E·l ris torna·ls pueys en plors;
 
20
e·l folhs per mal’aventura
    vai queren lo mal que·l duelha.
     
IV
 
Qu’amors vol tals amadors,
   
que sapchon sufrir erguelh
   
en patz e gran desmezura;
 
25
si tot lor dompna·ls sostrays,
   
paucs plagz lur en si’honors,
   
quar si·l sap mal ni s’atura,
    ylh querra tost qui l’acuelha.
     
V
 
Per aquest sen suy ieu sors,
 
30
et ai d’amor tan quan vuelh,
   
quar s’elha·m fay gran laidura,
   
quant autre·s planh, ieu m’apays.
   
Si tot s’es grans ma dolors,
   
sofier tro qu’elha·m melhura
 
35
ab un plazer qual que·s vuelha.
     
VI
 
Mais vuelh trenta dezonors
   
q’un’onor, si lieys mi tuelh,
   
q’ieu suy hom d’aital natura,
   
no vuelh l’onor que·l pro lays.
 
40
Ni ges no·m laissa·l paors,
   
don mos cors non s’asegura,
    qu’ades cug qu’autre la·m tuelha.
     
VII
 
De mon dan prec mos senhors,
   
mas l’amor de midons vuelh,
 
45
e que·l prenda de mi cura,
   
que trop es grans mos esmays.
   
Molt mi fera gran secors,
   
s’una vetz per aventura
    mi mezes lai o·s despuelha.
     
VIII
50
Peir Rogier li quier secors,
   
e si·l mals longuas li dura,
    pauc vivra qu’ades rauguelha.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI