Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Appareil critique
* Notes
* Traductions

Jeanroy, A.. Poésies provençales inédites d'après les manuscrits de Paris. "Annales du Midi", 17 (1905), pp. 457-489

Code: 452,001 Auteur: Uc de l'Escura Genre: Sirventes Numero: VIII

[D]e mots ricos no tem Peire Vidal

I 1 [D]e mots ricos no tem Peire Vidal
    Ni [n]'Albertet de sa [votz] a ben dir,
    Ni'n Perdigon de greu [s]onet bastir,
    Ni'n Pegulhan de chansos metre en sal,
  5 Ni de gabar sos chans n' Arnaut Romieu,
    Ni de lausar Fonsalada son fieu,
    Ni'n Pelardit de contrafar la gen,
    Ni'n Gualaubet de viular coyndamen.
     
II   Donc mas tan say qu'un d'elhs temer no·m cal
  10 D'aquelhs mestiers don m'auzetz descubrir,
    Ben es razos, segon lo mieu albir,
    Un sirventes — e pueis que parlerm d'al —
    Comens ades, que·l fassa tost e lieu,
    Ab que·ls mostre, si tot lur sera grieu,
  15 Que Dieus m'a dat tant d'albir e de sen
    Qu'ensenhar puesc tot lo pus sapien.
     
III   Aissi quo·l fait del rey emperial
    De Castella val mais, ses tot mentir,
    Que de nulh rei qu'om puesc' el mon chauzir.
  20 Son sirventes qu'ieu fa's plus natural
    Que de negun dels trobadors, par Dieu,
    ........................................
    S'esmeron mielhs que l'aurs el fuec arden,
    On pus los au totz hom qui be·ls enten.
     
IV 25 La lengua vir on la dent mi fa mal
    E'l cor vas selhs ont hom no·s pot jauzir:
    So so·l baro malvat, cuy Dieus azir,
    Que an baissat a Pretz son fieu sessal,
    Q'us no·l mante ni vol seguir son trieu
  30 Si quon degra: per so les en blasmi eu,
    Aitant quan puesc ab mon chantar soven,
    Et ai m'en datz d’enemicx mais de cen.
     
V   En res no·rn tem si quascus mi vol mal
    De ricx malvatz, q'us no·m pot abellir
  35 Ni pretz donar, que s'us al sebellir
    Portes liatz mil soutz al corporal,
    No·m saupra mal, fe que dey sant Andrieu,
    Quar son escas, cobe pus que juzieu;
    E ja negus lo pretz d'un ayguilen
  40 No n portara, mas paupra vestimen.
     
VI   Pueys remanran l'aver, si Dieus me sal,
    Ben leu a tals que fan per filhs noyrir,
    Que·s cujaran sian lurs, ces falhir,
    Que no·y an part plus qu'ieu a cuy non cal,
  45 Que·l metran tost, fassan o vil e lieu,
    Que si negus ja n'albergon romieu
    Per que l'arma truep ab Dieu chauzimen,
    Yeu trairai viu quascun del monimen.
     
VII   E selh qui pert lauzor e pretz e Dieu
  50 Per filhastre que·s cug sia filh sieu,
    Yeu dic d'aisselh que, per dreit jutjamen,
    Deu en ifern per mais traire turmen.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI