Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire
* Observations

* Présentation
* Bibliographie
* Témoignage
* Appareil critique
* Notes
* Traductions
* Images

Oroz Arizcuren, Francisco J. La lírica religiosa en la literatura provenzal antigua. Pamplona: Excma. Diputación Foral de Navarra - Institución Príncipe de Viana, 1972.

Edición crítica, traducción, notas y glosario. Versión revisada para Corpus des Troubadours, 2011.

Code: 009,019 Auteur: Aimeric de Belenoi Genre: Chanson religieuse Numero: II

Can mi perpens ni m'arbire

I 1
Can mi perpens ni m’arbire
   
qui son ni de cal part veng,
  3
meravil me mout e·m seing
   
con Dieus volc esser soffrire
   
tan loniamenz de·ls mieus torz.
  6
Mas el, qu’es verais e forz,
   
—pos li plaz c’a lui me vire—
   
deing asi·l peccat ausire
  9 com mos mals talans m’es morz.
     
II  
Be·s vol de tot be devire
    qui contra Dieu pren nuil geing;
  12
que Dieus non vol c’om l’enseing.
   
Cuidavam passar ab rire
   
per nostres nescis deporz:
  15
Fraire, per pauc loncs acorz
   
no nos fes trop tart assire.
   
Tant tost deu hom far con dire
  18 lo ben, c’ades vai hom morz.
     
III  
Que es hom, qant m’o cossire,
   
ni que val, en ren no·l teing.
  21
E doncs, rics per qe si feing?
    Es rics! Anz n’es trop a dire:
   
quar tant es freols l’esforz
  24
lo iorn c’om passa los porz
   
on van tut, ses contradire.
   
Qui que·s fassa gais ni·s n’ire,
  27 a toz es cominals morz.
     
IV  
Lo seignor qui es complire
   
de toz iois prec c’ab nos reing.
  30
Ai las del cor! Com m’estreing
   
cant mi menbron li consire
   
deslials e·l fals conorz!
  33
Mas ar si camia ma sorz
   
en ben, per que no·m n’aïre;
   
tals n’es ben leu escarnire
  36 qu’eu soi vius et el n’es morz.
     
V  
Pos Dieus pres per nos martire,
   
ja nos no n’aiam desdeing;
  39
c’ab atretal entreseing
    nos a traiz lo traïre
   
saludan, don desconorz
  42
no m’es, c’al dïabl’estorz
   
soi; ab tan, cui soi servire,
   
non a plus poder que·m tire:
  45 per que no·m fa paor morz.
     
VI  
Folquetz, si ses contradire
   
crezes so que·us auci dire,
  48 no m’agra fag paor morz.
     
VII  
Mas a sel en soi grazire
   
qui, per nostra mort ausire,
  51 deignet esser en croç morz.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI