Appel, Carl. Poésies provençales inédites tirées des manuscrits d’Italie (Suite). "Revue des langues romanes", 39 (1896), pp. 177-216

Code: 349,004 Auteur: Peire Milo Genre: Canso Numero: [III]

Per pratz vertz ni per amor

I	1	Per pratz vertz ni per amor
		non chant ni per bosc foillutz
		ni per mai ni per pascor
		ni per clars rius c'ai vegutz,
	5	ni per chant d'auzel ni critz
		ni per vergier q'es floritz.
		mas per las bonas del mon
		domnas comenz ma chanzon,
		cui eu am.
II	10	E nonsui ies recrezutz,
		si tot amor me faillitz,
		q'eu non am chant e desdutz
		e qe ioi non sei graz·tz.
		gardatz, s'eu agues razo
	15	de far gauz e mession,
		com fora de gran valor!
		mas d'amor non ai sabor
		ni·n iauzi.
III		Tot iorn mi 'stauc sbaitz
	20	e soi en gran sospeizo,
		ni ia mon cor n'er sclaritz,
		q'enaissi es la saizo,
		c'amic senz cor trichador
		serai e fin amador,
	25	mas, car non soi conogutz,
		e mes, cant fatz, en descutz
		ni no·m val.
IV		Res no·n pot dargarizon,
		si non cel qu'es bellazor
	30	d'oils, de cor e de faizon;
		e per zo soi en error;
		be·n par qe·l mont ai perdutz,
		pois c'amor non ai agutz,
		don totz temps soi encubitz;
	35	e de cel mal fui garitz
		ni i ai pro.
VI		Veiatz. - e qe? -- qe ricor
		no·m val. - ont? - en esser drutz . -
		si fa . - e con? - la gensor
	40	gardatz. - si fei. – a·l saubutz? -
		non. - per qe? - qe tant arditz
		non soi. - non en malditz;
		non posc als. - ar mi respon:
		es larc? - oc. - e malvatz?- non,
	45	ni vilan.
VII		S'aissi es, non ses vencutz. -
		eu non, tro c'aia·l speritz. -
		sofre lo dart e l'escutz. -
		eu oc, qe tant rn'abeillitz, -
	50	manda li qe·t fassa un don. -
		eu oc, be, senz contenzon. -
		q'un ris te don per amor. -
		s'aizo faz, fa don meillor
		no·m des plus.