Gisi, Martin. Der Troubadour Guillem Anelier von Toulouse. Vier provenzalische Gedichte . Solothurn: J. Gassmann, Sohn, 1877

Code: 204,001 Auteur: Guillem Anelier de Toloza Genre: Sirventes Numero: I

Ara faraí, no·m puesc tenér

I	1	Ara faraí, no·m puesc tenér,
		Un sirventés en est son gay,
		Ab bos motz leus per retenér,
		Sitot chantár, cum sol, no·m play;
	5	Quar li ric son tan nonchalén
		Que·l pretz ne pérdon d’aquést mon,
		Quar cobeytátz los vay vensén
		Don proéza·s bayssa e·s cofón.
II		Quar ára no ven a plazér
	10	Joys ni depórtz ni pretz veráy,
		Enáns creys malvestátz per ver
		E falsetátz cóntra ver vay,
		E parátges pren aunimén
		Per vilás coutz, on totz bes fon,
	15	Quar tan son ple(s) de mal talén
		Quo tol[z] bon[s] fag[z] de lor s’escón.
III		E qui vol de lor grat avér
		Er ses mercé, ab cor saváy,
		E fará tot fach per avér,
	20	Sol que n’aya, que puéys n’er may
		Honrátz e tengútz per parén,
		E sía vengútz no sai don,
		Qu’er non es prezátz hom valén[s]
		Si non a pro de que s’aón.
IV	25	Mas us enfáns cóbra podér,
		Qu’es a parátge lunas et ray[s]
		Que ses elh no pógra valér,
		Ans er al bas per tos temps may;
		Mas tant a pres gran honramén
	30	De selhs de qui fetz plánqua e pon
		En cham[p] ple, tal qu’ab cor temén
		Son Francés, quar tan prop li son.
V		Don prec Jéshu Crist que podér
		Li don e que·l gárde, si·l play,
	35	Que clerc(x) no·l puéscon dan tenér
		Ab fals prezícx totz ples d’esgláy,
		Quar tant es grans lur trichamén[s]
		Qu’e·l fuec(x) enfernál(s) plus preón
		Ardrán, quar vólon tant argén
	40	Qu’hom peccaire fan cast emon.
VI		A la gleíza falh son sabér
		Quar vol los Francés métre lay
		On non an dreg per nulh devér,
		E gíeton cristiás a glay
	45	Per lengátge sens cauzimén,
		Quar vólon lo ségle[·s] redón,
		Peró en camp clercx non atén,
		Mas de perdón darán un mon.
VII		Lo coms a laus de tóta gen
	50	D’Astarac, e s’espénh amón
		Son pretz et a en dar talén
		E flac[x] cor[s] ab luy no s’apón.