De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 323,011 Auteur: Peire d'Alvergne Genre: Sirventes Numero: I

Chantarai d’aquestz trobadors

I	1	Chantarai d’aquestz trobadors
		Que chantan de manhtas colors,
		El piejer cuida dir mout gen;
		Mas a chantar lor er aillors,
	5	Qu’entrametre n’aug cen pastors,
		C’us no sap ques mont’os dissen.
II		D’aisso mer mal Peire Rotgiers,
		Per que n’er encolpatz primiers
		Car chanta d’amor a prezen . . .
III	10	El dotzes us veilletz Lombartz
		Que clama sos vezins coartz,
		Et ill eis sent de l’espaven;
		Pero us sonetz fai gaillartz
		Ab motz maribotz e bastartz,
	15	E lui apell’om Cossezen.
XIV		Peire d’Alvergne a tal votz
		Que chanta con granoill’en potz,
		E lauzas mout a tota gen . . .
XV		Lo vers fo faitz ais enflabotz
	20	A Puoichvert, tot jogan, rizen.