De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 080,011 Auteur: Bertran de Born Genre: Sirventes Numero: V

Cortz e guerras e joi d’amor

I	1	Cortz e guerras e joi d’amor
		Mi solian far esbaudir
		E tener gai e chantador,
		Tro per lieis cui dei obezir
	5	Mi fo mos chantars devedatz;
		Et en la lei
		Es mos chans escomonjatz...
III		Del pauc rei de Terra Major
		Mi platz qu’aissis vol enantir
	10	Qu’oimais lo tenran per senhor
		Cilh quelh devon so fieu servir;
		Puois vencut los a ves Arratz,
		Ara s’estei
		E cobre sos drechs daus totz laz...
V	15	Elh volpilh de l’emperador
		Volian Lombart envazir,
		E ja no laissan, per paor,
		Sobre de Cremona bastir;
		Quel coms Raimons es sai honratz
	20	. . . . . . . . . . . . .
		Quar ab lo rei s’es afiatz...
IX		Papiols, e tu vai viatz:
		Al jove rei
		Diras que trop dormir nom platz.
X		En Oc e No ama mais patz
		Ab Felip, crei,
		Quel frair Johans deseretatz.