Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Notes
* Traductions
* Images

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 080,004 Auteur: Bertran de Born Genre: Canso de creuada Numero: VII

Ara sai ieu de pretz quals l’a plus gran

I 1 Ara sai ieu de pretz quals l’a plus gran
    De totz aquels ques leveron mati:
    Messers Conratz l’a plus fi, ses enjan,
    Ques defen lai, a Sur, d’En Saladi
  5 E de sa maisnada croia;
    Socoral Dieus, quel socors vai tarzan!
    Sols aural pretz, que sols sofre l’afan.
     
II   Senher Conratz, a Jesu vos coman;
    Qu’ieu fora lai, a Sur, so vos afi,
  10 Mas laissei m’en, quar s’anavan tarzan
    Li comt’ elh duc elh rei e li princi;
    Puois vi midons bel’ e bloia,
    Per que s’anet mos cors afeblejan;
    Qu’ieu fora lai, ben a passat un an.
     
III 15 Senher Conratz, ieu sai dos reis qu’estan
    D’ajudar vos; ara entendatz qui:
    Lo reis Felips es l’us, quar vai doptan
    Lo rei Richart, e cel lui dopt’ aissi;
    Ar fos usquecs d’els en boia
  20 D’En Saladi, puois van Dieu galian,
    Quar son crozat e d’anar mot no fan!
     
IV   Senher Conratz, tot per vostr’ amor chan,
    Ni ges noi gart amic ni enemi;
    Mas per sol fatz, quels crozatz vau reptan
  25 Del passatge qu’ an si mes en obli;
    No cujan qu’a Dieu enoia
    Qu’ilh si paisson e si van sojornan;
    Eus enduratz fam, set, et ilh estan!
     
V   Senher Conratz, la rodas vai viran
  30 En aquest mon, pur en mal, a la fi;
    Quar paucs en sai que no s’anen penan
    Com enjanen vezi e no-vezi;
    Mas cel que pert, nolh par joia;
    Doncs, sapchan be cilh qu’ieu dic qu’aisso fan:
  35 Que Dieus escriu so que dich e fach an.
     
VI   Senher Conratz, lo reis Richartz val tan,
    Si tot, quan vuolh, de lui gran mal m’en di,
    Qu’el passara ab tal esfortz, ogan,
    Com far poira; so auch dir tot de fi;
  40 El reis Felips en mar poia
    Ab autres reis, qu’ab tal esfortz venran
    Que part l’Arbre Sec irem conquistan.
     
VII   Bels Papiols, ves Savoia
    Te ton chami e ves Branditz brochan,
  45 E passal mar qu’al rei Conrat ti man.
     
VIII   Quan seras lai, no t’enoia,
    Tu li diras que, s’ar nolh valh ab bran,
    Elh valrai tost, silh rei nom van bausan.
     
IX   Mas ben es vers qu’a tal domnam coman,
  50 Sil passatge nolh platz, no crei quei an.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI