De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 133,004 Auteur: Elias Cairel Genre: Canso Numero: LXXII

Fregz ni ven       -s nom pot destrenher

 

I	1	Fregz ni ven       -s nom pot destrenher
		Qu’ieu no chant e no m’alegre;
		Pero ben sai que mais plagra
		Chansoneta de leu rima
	5	A la gen
		Desconoisen
		Que tenon car so que non es valen.
II		Los valen        -s volon enpenher
		Et encausar et asegre;
	10	E dic vos que nom desplagra
		Si la raitz tornes sima
		Del joven
		Sobresaben
		Per cui Valors e Jois torn’en nien.
III	15	De nien        se cuida fenher
		Sel que vol Amor persegre;
		Per me sai que mestier m’agra;
		Lo jorn qu’ieu perdei l’escrima
		Folamen,
	20	Qu’ieu l’ardimen
		Agues perdut si com perdei lo sen!
IV		Non a sen        qui vol atenher
		Lai on non pot aconsegre,
		Que la dousal pareis agra
	25	On plus sotilmen s’aprima;
		E si pren
		So qu’es luzen,
		Si nos guara, penra lo fuec arden.
V		Qui l’arden        fuec pot estenher
	30	D’amor ben al sen entegre;
		Qu’ar, sim volgues, tostemps i agra
		Del mal don lo fols lagrima
		Ses aten–
		dre guarimen,
	35	C’anc no mi valgon dig ni chant plazen.
VI		Lo plazen        Rei, qu’ar es senher
		D’Emperi, non puesc plus segre,
		Qu’el te ma persona magra
		Si que nom pot mordre lima;
	40	E part m’en
		Forsadamen,
		Qu’el et Amors m’an valgut engalmen.
VII		Vers, vai t’en
		Tost e corren
	45	E no sai on, qu’ieu te segrai breumen.