De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 236,003 Auteur: Guilhem de la Tor Genre: Dos coblas Numero: CXXVIII

De saint Martin me clam a saint Andreu

I	1	De saint Martin me clam a saint Andreu,
		E prec li fort que m’en faza dreichura,
		Car non auza Corat vis-de-Judeu
		E Faciol, que chascus fai rancura
	5	Quar no foron a trair Damedeu;
		E, pos negus nom vol donar del seu,
		Lor enemics serai oltra mesura.
II		Al marques d’Est m’en clam quem det per feu
		Q’eu dixes mal de l’avol gent tafura;
	10	Cujat vos donc quals pros nos sia, quai greu
		Dels rics malvatz qui gaston la pastura?
		Non volria que mil marcs fosson meu,
		Per q’eu fezes l’usage al Fariseu,
		Paubres de cor, rics de mala ventura.