Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Appareil critique
* Notes
* Traductions

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 461,180 Auteur: Anonym Genre: Sirventes Numero: CLIV

Nuls hom non deu d’amic ni de segnor

I 1 Nuls hom non deu d’amic ni de segnor
    Dir mais de ben qe taing a sa valor,
    Car greu ten hom per lial blasmador
    Cel qe lausa falsamen;
  5 Per q’eu d’un baron mi pen
    Q’en ai lausat en un cen.
     
II   C’ar menzonza voill ab vertat cobrir:
    Qe lausat fals blasmarai ab ver dir,
    Q’en lui blasmar sai q’eu non puesc mentir;
  10 Car nuls hom, tan can ditz mals
    De lui, non pot esser fals,
    Merze de son faitz leals.
     
III   Tan son leals li faitz d’aqest baron
    Qe l’Emperis non dic qe lui caison,
  15 Mas la Glesa l’en a fatz maint perdon;
    Et, s’ellal deu perdonar
    Enjantz ni fallimenz far,
    Leu li pot s’arma salvar.
     
IV   Salvar si pot mais dels bos pelegris
  20 Boç’e lo pros marqes Palavisis
    Nil marqes d’Est, pois fon pres N’Icelis; 
    Pero Pisan e Luques 
    Dison ben q’el anc no fes 
    Don, don a tort fos repres. 
     
V 25 Al pro marqes monsegnor Frederic, 
    Lai on troban tuit li pro bon abric, 
    Vai, serventes, e non fatz gair tric; 
    E digas li atrasatz 
    Que debat non bontat i fatz 
  30
E q’el se gart del seu traz. 
     
VI   A cel qi fera s’agatz 
    Ai un pauc del ver retratz, 
    E del mentir sui afratz. 

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI