Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Notes
* Traductions
* Images

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 439,001 Auteur: Ricaut Bonomel Genre: Sirventes Numero: CLX

Ir’e dolors s’es e mon cor asseza 

I 1 Ir’e dolors s’es e mon cor asseza 
   
Si qu’a per pauc no m’auci demanes 
   
O meta jos la crotz qu’avia preza 
    A la onor d’Aquel qu’en Crotz fo mes; 
  5
Car Crotz ni lei nom val ni guia  
   
Contrals fels Turcs cui Dieus maldia; 
   
Anz es semblans, en so c’ont pot vezer, 
    C’al dan de nos los vol Dieus mantener.
     
II   Al primier saut an Cesaria conqueza 
  10
El fort castel d’Alsuf per forza pres. 
   
Ai, senher Dieus, e qual via an preza 
   
Tan cavalier, tan sirven, tan borzes 
   
Que dinz los murs d’Alsuf avia! 
    Ailas, lo Regne de Suria 
  15
A tant perdut que, qui ’n vol dir lo ver, 
    Per tostemps mais n’er mermatz de poder! 
     
III  
Doncs, ben es fols qui a Turcs mou conteza, 
   
Pois Ihesu Crist non lor contrasta ges; 
    Qu’il an vencut e venzon, de quem peza, 
  20
Francs e Tartres, Armenis e Perses; 
   
E nos venzon sai chascun dia, 
   
Car Dieus dorm qui veillar solia, 
   
E Bafometz obra de son poder 
    E fai obrar lo Melicadefer.
     
IV 25
No m’es semblan que per tan se recreza, 
   
Anz a jurat e dit tot a pales 
   
Que ja nuls hom que en Ihesu Crist creza 
   
Non remandra, s’el pot, en est paes; 
    Enans fara Bafomaria 
  30
Del mostier de sancta Maria; 
   
E, pus son Fils, qu’en degra dol aver 
    O vol nil plaz, ben deu a nos plazer. 
     
V  
Lo Papa fai de perdon gran largueza 
    Contrais Lombartz a Carl’e als Frances; 
  35
E sai, ves nos, en mostra gran cobeza, 
   
Que nostras crotz perdona per tornes; 
   
E qui vol camjar Romania 
   
Per la guerra de Lombardia, 
    Nostre Legatz lor en dara poder; 
  40 Qu’il vendon Dieu el perdon per aver. 
     
VI  
Senhors Frances, Alexandria 
   
Nos a piegz fag que Lombardia, 
   
Que sai nos an Turc sobratz de poder, 
    Pres e vencutz e donatz per aver. 

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI