De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 229,001a=150,001 Auteur: Guillem Raimon , Ferrari de Ferrara Genre: Échange de coblas Numero: CLXXXIII

Amics Ferrairi

		[RAIMON:]
I	1	Amics Ferrairi,
		Del Marqes d’Est van       man
		Dizen q’a cen fi,
		E poders l’espan       tan
	5	Q’aigu sei vezi
		De jos li n’estan,       gran
		E pauc, ab cap cli,
		Si q’aigu hi an       dan;
		Don soi say vengutz,       nutz
	10	D’aiso q’eu no say,       say;
		Mas, s’en el vertutz       lutz
		De pretz, trobar       l’ay;
		E, de pueis, tengutz       mutz
		Per re non seray       may,
	15	Ez, en locs degutz,       cutz
		D’el e triz partray.
		Qals q’esteya,
		Res no creya
		Q’ieu nol met’el cor;       mor
	20	Qui desleya
		Don, e enueya
		Qe non an de for       l’or;
		Qar altreya
		Prez, on deya
	25	Far plus ric trezor       d’or;
		Q’om, s’apley’a
		Prez q’om pleya,
		Sol vil vol a, cor       for.
		[FERRARINO:]
II		Amics En Raimon
	30	Guillem, pueis entrest       mest
		Nos, d’un pes preon
		Tantost m’aleugest;       rest
		Doncs, e puj’a mon
		Mos sens, sus el test!       Est
	35	M’endreig; eus respon
		Qe pro a conqest       d’Est
		Lo Marqes amics       rics;
		E sos grans poders       ders
		Ten sos enemics       trics
	40	Bas; e sos sabers
		Es d’el plus antics.       Brics,
		C’onors el valers       vers
		D’el es nostr’abrics.       Pics,
		Noil toi sos avers;
	45	Qar gent dona
		Qan sayzona,
		Cos tain a baro       pro,
		Qi s’adona
		Vas gen bona;
	50	E, car vos sai bo,        no
		Tayn q’espona
		Nil somona
		Qeus onre nius do       pro
		Mas felona
	55	Gen bricona
		Ab lui no fay so       pro.