De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 461,219 Auteur: Anonyme Genre: Sirventes Numero: CLXXXIV

Seigner N’Enfantz, s’il vos platz 

I	1	Seigner N’Enfantz, s’il vos platz
		Eser temutz ez amatz
		E per lo mon renomenatz,
		Ajatz valentz homes privatz;
	5	Qe d’hom vil, sitot s’es senatz,
		Greu pod ensir conseils honratz;
		El vostre ditz si’afermatz;
		E toletz e tenetz e datz.
II		Qui qe s’en rontz fron ni ceil
	10	D’aizo qe ieu vos conseil
		Noil daria un prim cabeil;
		Sol vos façatz qe part Monteil
		En parlen li joven eil veil,
		Si q’el mon non ajatz pareil;
	15	Qe joves enfantz taign qes veil
		Tan qe sos aubercs non roveil.
III		Qar qi trop sojorna e col,
		Sos cors greu pretz aver sol;
		Qe, dan e pro e gaug e dol
	20	Sufren, men’om bons faitz e sol;
		E fil de rei, s’inten q’aut vol,
		Cove qe tail e blanda e dol,
		Donan e meren; qar qe vol
		Non pren qi non dona qe dol.
IV	25	Qar etz de tan autz aficx,
		Taign oimais q’als enemicx
		Siatz braus, e francs als amicx,
		Pilars dels bos e dels crois picx;
		Qel noms es segnals e prezicx
	30	Qe joves, segner, ez anticx
		Devetz sobrar; qe Fredericx
		Vol aitan dir com fres de ricx.
V		Entrels meils qeus ha mestier
		Es qe sian cavalier
	35	Per vos honrat e soldadier
		— Qi ha ops foc ab det lo quier —
		E qe acoilatz volontier;
		Q’aisi fai homs d’estraign manier;
		E cel q’als colps veiretz primier
	40	Nol façatz al prendre derier.
VI		Seigner N’Enfantz, lo meillz qeus qier
		Es qe percazatz pretz entier.