Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Code: 136,003=167,013=136,002=167,003a Auteur: Gauclem Faidit , Elias d'Uisell Genre: Cobla (avec réponse) Numero: 57

Manens fora-l francs pelegris

I		(Elias d’Ussel)
	1	Manens fora-l francs pelegris,
		mas son aver mes al sanctor !
		Molt lai estet a grant honor
		— per so, si ac dan Saladis —
	5	e si no fos lo granz ventres que-ill pen,
		car compreron li Turc son hardimen !
		Ancaras dis el qe lai vol tornar,
		mas laissa s’en pel bel fill er retrar.
II		(Gaucelm Faidit)
		— Ben auria ops pas e vis
	10	a Chasluç, tant es ses umor
		merce del paubre pechador
		qu’es manenz de gabs e de ris !
		qe sei solatz son granz copas d’argen,
		e sas chansos segalas e frumen,
	15	e-ill sirventes son vestir vert e var…
		A lui s’en an cel que vol sojornar !
III		(Elias d’Ussel)
		— Gauselm, eu mezeis garantis
		que non ai d’aver grant largor,
		e vos, avez tant de valor
	20	qe no-s taing q’om vos desmentis !
		S’ieu sui paubres, vos avez pro argen
		e Guillelma, la pro e la valen…
		Gensor pareill non a dechai la mar
		a lei de soudadeir’ e de joglar !
IV		(Gaucelm Faidit)
	25	— A jujamen de sos vezis
		men a garant de sa honor
		N’Elias sa meja seror
		ço diz N’Ebles q’es lei cosis
		Non . . . . . . . . . . . . . . . . . . . . . .
	30	. . . . qar parlet de graissa, fez no-sen :
		q’amdui em gros, mas el o es, cho-m par,
		de clara fam, et eu per pro manjar.