Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Témoignage
* Appareil critique
* Notes
* Traductions
* Images

Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Code: 434a,050 Auteur: Serveri de Girona Genre: Estampida Numero: 4

Pus chan era e s'esmera

I 1 Pus chan era     E s'esmera
    D'amar mos fis cors enquera,
    Gen m'anera    E m'estera,
    S'Amors no·m fos dur'e fera ;
  5 Qu'eu obrera     E planera
    Chan c'ab motz prims aponchera,
    Afinera    E gençera
    Qu'endreit midons m'embrivera.
    Tal lauzera    E chantera
  10 Mos chans, que la·m saludera
    E ço don molt m'azautera ;
    Que ben leu d'amor l'amera.
     
II   Mas ventura    Sec'endura
    C'Amors de mi non a cura.
  15 Trop me dura    La frachura
    De leys on beutatz s'atura ;
    C'anc natura    Criatura
    No formet meylls per mesura ;
    Qu'il es pura,      Mond'e·s mura
  20 Gen de color ses penchura.
    No piyura,    Ans melura,
    Don las altras fan rancura ;
    Car totz homs, qui leys ve, jura
    Que fay lor beutat escura.
     
III 25 Car m'azira,     Ay gran ira,
    Don mos cors playn e suspira ;
    Mas no·s vira,     Ans s'albira,
    Per que tot son dan dezira.
    Gen sofrira    E grazira,
  30 Car tan bes com mals sentira,
    Espandira,     Enantira
    Sos laus que no s'en partira,
    La servirá    E blandira,
    Car es la gençer que·s mira.
  35 Si·s fay qu'en re sol no·y tira,
    Er, on pus penan cossira.
     
IV   Dona mia,     Si·us plazia
    Qu'eu moris, morir volria.
    Si·us valia     O·us sabia
  40 Bo, ma mortz molt me playria.
    Si moria,    No·us seria
    Honors ne bes, bela mia,
    E diria,    Si·us dizia,
    Mels ver, ma bel' enemia :
  45 « Can un dia     No-paria
    No·us plaç, per c'aucir, m'enia ?
    Si tracio no·us fazia,
    Mas un vostr'om auciria ? »
     
V   V. Jay'ria,     Si·us vezia,
  50 Na Sobrepretz, e·us plazia,
    E si valen don'avia
    A Cardona, be·m playria.
     
VI   No·s desvia,    Ans sec via
    De pretz e de cortezia
  55 E fay ço, don dreitz l'aguia,
    Lo reys Peyres, on que·s sia.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI