Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Code: 434,009c Auteur: Serveri de Girona Genre: Dansa Numero: 19

Pus no vey leys cuy son amics

I	1	Pus no vey leys cuy son amics,
		Amors, di·l que de mi·l soveyna.
		No la vey ? Si vey, de jay rics,
		Mal grat de fals gelos enics.
	5	Pessan doncs sens, no men chastics
		Que no·m tem c'om d'ayço·m destreyna.
II		Amors, porta li·m salutz cen
		E de plazers li·m fay prezen
		Tal com tayn a dompna plazen,
	10	On pretz e joys e valors reyna !
III		Lauzenger, be·us fay Deus mendics.
		Per que·us ve dans, mals e destrics ?
		Car faitz ab la lenga mals pics
		C'om non er bo pus vos manteyna.
IV	15	Ay, fols, ben a·y petit de sen !
		Com cuges que·t faça manen
		D'amor dompn'ab ric pretz valen
		Ne·t deyn, pus nuyls hom no·y ateyna ?
V		La dels Cartz es de pretz abrics
	20	E·l mante, qui que·l desmanteyna.
VI		Sobrepretz a valor valen
		E l'enfans Peyr'en fin pretz reyna.