Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Code: 434a,071 Auteur: Serveri de Girona Genre: Dansa Numero: 20

Tot can cors dezira

Vorspiel	1	Tot can cors dezira
		Auray, si·l jorn vey
		Que cil me dezira,
		Qu'eu am ez envey.
I	1	Car per    aver    plazer,     esper
		Ab fi, ferm, franc voler humil ;
		C'amor    d'aylor    no m'or,    ans plor
		E suspire mays per un mil
	5	D'altra, don partira,
		Si pogues, c'aley
		M'amor, se·m partira,
		Don totz no·m desley.
II		Que·l gens,    jausens,     plasens,     valens
	10	S'esfors, qu'enamora·ls amans
		E fai,    ço say,    d'esmay    ab jay
		Gaug e dona sens als amans !
		Ay, las ! sol no·s vira
		Vas mi ; que mals, crey,
	15	Plaix es, can lo·s vira ;
		Pero no·m recrey.
III		A port    de mort    me port,    s'acort,
		Lay, ne·l soy d'amar flacs ne vas,
		E si    ma fi    vol ni    m'auci,
	20	Ja volgra que sos faitz leujas;
		Que mortz no sufrira
		Est mal, don sordey ;
		Qu'eu say qui·l sofrira
		Per mi, fe que·us dey.
IV	25	Tot or me dezira
		Que Cardona vey ;
		Pero no·m dezira
		Sobrepretz, qu'en vey !
V		L'enfans Peyre·s mira
	30	En pretz, fe que·us dey.