Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire

* Présentation
* Témoignage
* Appareil critique
* Notes
* Traductions
* Images

Wolf, George; Rosenstein, Roy. The Poetry of Cercamon and Jaufre Rudel. New York & London: Garland Publishing, Inc, 1983

[CdT en procés d'incorporació]

Code: 262,006 Auteur: Jaufre Rudel de Blaja Genre: Vers Numero: 5

Quan lo rossinhols el follos

I 1 Quan lo rossinhols el follos
    dona d’amor e·n quier e·n pren,
    e mou son chant jauzent joyos,
    e remira sa par soven,
  5 e·l riu son clar e·l prat son gen,
    pel novel deport que·y renha,
    mi ven al cor grans joys jazer.
     
II   D’un’amistat suy enveyos—
    quar no sai joya plus valen—
  10 c’or e dezir, que bona·m fos
    si·m fazia d’amor prezen;
    que·l cors a gras, delgat e gen,
    e ses ren que·y descovenha,
    e s’amors bon’ab bon saber.
     
III 15 D’aquest’amor suy cossiros
    vellan e pueys sompnhan dormen,
    quar lai ay joy meravelos
    per qu’ieu la jau joyos, jauzen;
    mas sa beutatz no·m val nien,
  20 quar nulhs amicx no m’essenha
    cum ieu ja n’aya bon saber.
     
IV   D’aquest’amor suy tan cochos
    que quant ieu vau ves lieys corren,
    vejaire m’es qu’a reüsos
  25 m’en torn e que lay·s n’an fugen;
    e mos cavals y cor tan len ­…
    a greu cug mais que·y atenha,
    s’amors no la·m fay remaner.
     
V   Amors, alegres part de vos,
  30 per so quar vau mo mielhs queren;
    e suy en tant aventuros
    qu’enqueras n’ay mon cor jauzen,
    la merce de mon Bon Guiren
    que·m vol e m’apell’e·m denha,
  35 e m’a tornat en bon esper.
     
VI   E qui sai rema deleytos
    e Dieu non siec en Bethleem,
    no sai cum ja mais sia pros,
    ni cum ja venh’a guerimen;
  40 qu’ieu sai e cre, mon escien,
    que selh qui Jhesus ensenha
    segur'escola pot tener.

 

que quant ieu vau ves lieys corren,

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI