Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Appareil critique
* Notes
* Traductions
* Images

Stronski, Stanislaw. Le troubadour Folquet de Marseille. Genève: Slatkine Reprints, 1968

[CdT en procés d'incorporació]

Code: 155,007 Auteur: Folquet de Marseilla Genre: Chanson de croisade Numero: XVIII

Chantars mi torn’ ad afan

I 1 Chantars mi torn’ ad afan
    quan mi soven d’ En Barral,
    e pos d’amor plus no·m cal,
    no sai com ni de que chan ;
  5 mas quex demanda chanso
    e no·lh cal de la razo :
    qu’atressi m’es ops la fassa
    de nou, quom los motz e·l so ;
    e pos forsatz, ses amor,
  10 chan per deut’ e de follor,
    pro er mos chans caba.los
    si non es avols ni bos.
     
II   Amador son d’un semblan
    e·l ric cobe d’atretal,
  15 qu’ades ab dolor coral
    mermon lor ioi on plus n’an,
    qu’en luec de fenestra so
    que merma s’om i apo ;
    q’on plus pren quex so que cassa
  20 plus a del segr’ ochaiso ;
    per qu’ieu tenh sei per melhor
    que rey ni emperador
    qui cels mals aips vens amdos
    que venso·l plus dels baros.
     
III 25 Bon fora s’om prezes tan
    Dieu com si ni ben com mal !
    mas so prez om que no val
    e son pro ten hom a dan ;
    per qu’ieu no·us aus vostre pro
  30 dir chantan, que no sab bo
    al segle ni cre que·l plassa
    qui·l di ren si so mal no ;
    mas pero la desonor
    puosc dir, si·l Turc entre lor
  35 son vencut ni baissat jos,
    pos tut vencut venson nos.
     
IV   Be·ns venson pos nuilh deman
    non fam de l’anta mortal ;
    e si nos fossem leyal
  40 tornera·ns ad honor gran ;
    qu’us cortes gienhs de Dieu fo
    que·lh ric trobesson perdo —
    qui·s fan plus frevol de glassa
    qui d’estenensa·ls somo —
  45 mas combatten ab lauzor :
    n’a Dieus pres en son labor
    mains que la confessios
    no·il plagra s’aquo no fos.
     
V   Doncx, nostre baro que fan
  50 ni·l reys engles cui Dieus sal ?
    Cuid’ aver fait son jornal ?
    Mout i aura lag engan
    s’el a fag la messio
    et autre fan la preiso !
  55 Que l’emperaire·s percassa
    cum Dieus cobres sa reio ;
    que primiers cre que·i secor
    si Dieus li rent sa honor :
    be·s taing, tan es rix lo dos,
  60 qu’aitals sia·l guizerdos.
     
T1   Al rei frances lau refassa
    ·l tornar c’om no·l teng’ a bo ;
    per qu’eu dic, s’era·i secor
    qu’es ops, que no·s don paor,
  65 e s’ar no·i vai qu’es saisos
    dic c’aunitz es per un dos.
     
T2   N’Azimans mout mi sap bo
    e mout en pretz mais valor,
    c’ab En Barral, mon seignor,
  70 es mortz pl’etz e messios
    aissi cum s’anc res no fos.
     
T3   En Totztemps, et ieu e vos
    em l’us per l’autre joios.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI