Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique

* Présentation
* Bibliographie
* Témoignage
* Appareil critique
* Notes
* Traductions
* Images

Frank, István. Pons de la Guardia, troubadour catalan du XIIe siècle. "Boletín de la Real Academia de Buenas Letras de Barcelona", 22 (1949), pp. 229-327.

Code: 377,006 Auteur: Pons de la Garda Genre: Canso Numero: V

Tant soi apessatz

I
 
Tant soi apessatz
   
et en gran esmai,
   
que ben cre e sai
   
que no·m plagr'oguan
 
5
solatz ni deport ni chan.
   
Mas On-tot-mi-plaz
   
vol qu'ieu chan, et es mi gen
    que fassa son mandamen.
     
II
 
Qu'estiers nuill solatz
 
10
ni gran joi non ai.
   
De trop peitz me vai
   
que no fes antan.
   
E s'aisi·m vauc meilluran,
   
fora·m meils assatz
  15
que fos mortz ab cor jauzen
    que s'ara viu malamen.
     
III
 
Süau et em patz
   
viu, e[n] meins d'esglai,
   
sel que per assai
 
20
am' e non ges tan
   
qu'en puesca morir aman.
   
Mas tant enlassatz
   
mi soi ieu joguan, rizen,
    c'ueimais non puesc aver sen.
     
IV
25
Que las grans beutatz
   
e·l cors cueind' e gai
   
e·l ric pretz verai
   
e la valor gran
   
c'a midons, qu'ieu dupt' e blan,
 
30
m'a[n] mes en tal latz
   
don molt dur trebaill aten
    si no me val chauzimen.
     
V  
Tant hi fui onratz
   
que·l coven mi plai
 
35
— sitot no m'estrai —
   
que·m fes en baizan.
   
Del bel mensongier semblan
   
es mos cors pagatz,
   
c'aisi m'o dis avinen
 
40
que ver me par quan me men.
     
VI
 
Mas molt soi iratz
   
e marritz d'un plai
   
en que nos, de sai,
   
avem pres gran dan
 
45
en la comtessa prezan,
   
dona de Burlatz,
   
que perdem, so m'es parven,
    si Dieus encar no la·ns ren.
     
VII  
Mas nos avem conort gran
 
50
en On-tot-mi-platz,
   
que sel que la ve soven
    non pot aver marrimen.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI