Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique

* Présentation
* Bibliographie
* Témoignage
* Appareil critique
* Notes
* Traductions

Frank, István. Pons de la Guardia, troubadour catalan du XIIe siècle. "Boletín de la Real Academia de Buenas Letras de Barcelona", 22 (1949), pp. 229-327.

Code: 377,007 Auteur: Pons de la Garda Genre: Canso Numero: IX

Totz tems, de tota fazenda

I
 
Totz tems, de tota fazenda
   
—si be·m so enamoratz —
   
creirai [mos vuyls], zo sapchatz,
   
meils c'autre, com que m'en prenda.
 
5
Et vi ja mantas sazos
   
que zo que viron mey vuyl
   
me feira descreir' Amors :
    gardatz si·n crezer' autors.
     
II
 
A, las, be·m cuit que m'o venda
 
10
Amors, s'anc m'ac bel solatz :
   
que·l mal que m'era passatz
   
me par que ara s'encenda ;
   
qu'era·m ve plus angoixos
   
que no soill, e plus m'en duil.
 
15
Eu en sofre las dolors
    et a leis non es honors.
     
III
 
A lui non es ops c'aprenda
   
a mentir, que sap n'assatz ;
   
et es n'om ben enganatz,
 
20
c'angel que de cel dexenda
   
par, tant a simplas fayzos.
   
Mas en leis a tant d'orguil
   
qu'eu non sai gaire pejors
    per qui n'a semblantz trachors.
     
IV
25
Cant ai cor c'ap leis contenda
   
e remir sas grans beutatz,
   
aixi son apoderatz —
   
non ay poder que·m defenda.
   
Mort m'a, tant es bel' e pros,
  30
c'aixi·m te que no m'en tuil,
   
e·l grans bes e las lauzors
    c'ades n'aug dir als plusors.
     
V
 
Si trobes de leis emenda,
   
be·m fora voutz e viratz;
 
35
mas morir pusc desamatz,
   
ja non er c'ad autra·m renda.
   
Domna, no·m partrai de vos,
   
ans estarai, si com suil :
   
aixi, entre gaugz e plors,
 
40
atendrai vostre socors.
     
VI
 
A ma chanzo man c'atenda
   
tot dreit vas On-tot-mi-platz ;
   
qu'en lei vei tantas beutatz,
   
ben par qu'en bon pretz entenda.
 
45
Deus la manteinha mest nos,
   
que ben parl' e gent acuil,
   
per qu'esaut sobre·ls milors
    sos rics pretz auzitz e sors.
     
VII
 
Si pretz s'abaissa mest nos,
 
50
las domnas no·n an tort nuil,
   
c'anc om no las vi meillors
    Catalanas, ni genzors.
     
VIII  
Mas de bon pretz te·l capduill
   
midons, per que sas lauzors
 
55
son aut sobre las meillors.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI