Bertoni, Giulio. I trovatori minori di Genova. Dresden: Gesellschaft für Romanische Literatur, 1903

Code: 436,003=258,001 Auteur: Simon Doria , Jacme Grill Genre: Tenso Numero: VII

Segn'en Jacme Grils, eus deman

I	1	Segn'en Jacme Grils, eus deman,
		car vos vei larc e benestan
		e qar per ric pretz sobeiran
		e per saber es mentaubutz,
	5	qe me digatz per q'es perdutz
		solatz e domneis mal volgutz.
II		Cobeitatz q'es vengud'avan
		nos a tot bastit aqest dan,
		en Symon, qe las domnas han
	10	amor e domnei gen tengutz;
		mas per los cobes recrezutz
		rics drutz e bes es abatutz.
III		Segn'en Jacme, mout es sennatz
		e primamen vos razonatz,
	15	mas qar dizetz qe cobeitatz
		n'a zo mogut, vos aug faillir,
		qar tot con fon, al mieu albir,
		aitant o plus nol devetz dir.