Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire
* Observations

* Présentation
* Bibliographie
* Témoignage
* Appareil critique
* Notes
* Traductions
* Images

Oroz Arizcuren, Francisco J. La lírica religiosa en la literatura provenzal antigua. Pamplona: Excma. Diputación Foral de Navarra - Institución Príncipe de Viana, 1972.

Edición crítica, traducción, notas y glosario. Versión revisada para Corpus des Troubadours, 2011.

Code: 282,010 Auteur: Lanfranc Cigala Genre: Chanson religieuse Numero: XXXVIII

Glorïosa sainta Maria

I
1
Glorïosa sainta Maria,
   
eu·s prec e·us clam merce, que·us plaia
 
3
lo chanz que mos cors vos presenta;
   
e s’anc iorn chantei de follia
   
ni fis coblas d’amor savaia,
 
6
ar vueill virar tota m’ententa,
   
e chantar de vostr’amor fina;
   
qu’autra amors no vueill que·m vensa,
 
9
qu’anc no·y trobei ioi, mas pezansa.
   
Mais la vostra sai qu’es mezina
   
de totz los mals: per que m’agensa
 
12
metr’en vos tota m’esperansa.
     
II
 
Qui de l’amor del mont follia
   
es nafratz d’una mortal plaia;
 
15
per qu’es fols cel que·s n’atalenta;
   
mas cel que vostr’amors chastia
   
no·ill faillira que ioi non aia,
 
18
e non er mals que de mal senta;
   
e car eu sui poingz de l’espina
   
del mon, veing a vos per guirensa,
 
21
que·m sanes per vostra pidansa
   
e que·m fassas, dousa reïna,
   
mon cor e tota m’entendensa
 
24
pausar en vostra fin’amansa.
     
III
 
Pensan que·us ai per leviaria
   
mesfaig, et es dreg que·m desplaia
 
27
e qu’eu de bon cor me·n repenta;
   
e si merces no m’es amia,
   
tot mon afar tem que dechaia;
 
30
que razos fort me n’espaventa
   
qi no m’es parens ni vezina,
   
anz m’es a dan per ma faillensa,
 
33
e vei que m’adutz desfiansa
   
si vostra merces no·s declina
   
vas me e no·m fai mantenensa:
 
36
et eu en aiso ai fiansa.
     
IV
 
Sol que vostra merces mi sia
   
aiudaritz, dretz no m’esmaia,
 
39
ni blan razon ni sa parenta.
   
Pro mergutz sui que dretz m’aucia;
   
mas vostra merces me n’estraia
 
42
e ia ma mort non li consenta;
   
pos cel cui sels e terr’aclina
   
pres del vostre bel cors naissensa
 
45
e·s noiric ab vos en enfansa,
   
preiatz sa maiestat divina
   
qu’aia merce e sovinensa
 
48
al iutiar, et oblit veniansa.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI