Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 066,004 Auteur: Bernart de Rovenac Genre: Sirventes Numero: XVIII

Una sirventesca

I
1
          Una sirventesca,
   
          en Raynier, tota fresca
   
us metray en cabal,
   
     quar tan gent anatz en tresca
 
5
e d'armas no·us cal,
   
     e quar ressemblatz a·n Bresca
   
     de dir mal a la riquesca.
   
Man colp vergonhal
    mal   n'avetz resseubut a man portal.
     
II
10
          Cobla lauzengeira
   
          fes e messongeira,
   
quar en cort comtal
   
     dis vostra lengua parleira
   
al comte greu mal,
 
15
     e si la fes lagoteira,
   
     anc no·n gueris de paupreira.
   
Man colp vergonhal
    mal   n'avetz resseubut a man portal.
     
III
 
          Per rauba rompuda
 
20
          donetz lans'aguda;
   
pero be·us o val,
   
     quar vostra lengua es temsuda
   
trop mais que·l senhal,
   
     per que n'avetz manta muda
 
25
     frachaet escoyssenduda.
   
Mant colp vergonhal
    mal   n'avetz resseubut a man portal.
     
IV
 
          Pus glotz es de pella
   
          non es lops d'ovella
 
30
ni d'autre carnal,
   
     qu'antan vos fos a Marcella
   
feritz ab un pal
   
     per una capa vermella,
   
     que vo·n anauatz ab ella.
 
35
Mant colp vergonhal
    mal   n'avetz resseubut a man portal.
     
V
 
          Quan per ioglaria
   
          detz cavallairia,
   
fes sen natural;
 
40
     ben prezetz so que·us tanhia,
   
ioglar vernassal;
   
     quar ges armars no·us plazia,
   
     mais vos plac la trichairia.
   
Mant colp vergonhal
 
45
mal   n'avetz resseubut a mant portal.
     
VI
 
     Ar me lais per tota via
   
de vostre dir mal,
   
     qu'en vos es tan de follia,
 
50
     que mos maldirs no y parria.
   
Mant colp vergonhal
    mal   n'avetz resseubut a mant portal.

 

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI