Cluzel, Irénée. Princes et troubadours de la maison royale de Barcelone-Aragon. "Boletín de la Real Academia de Buenas Letras de Barcelona", 27 (1957-1958), pp. 321-373.

Code: 184,002 Auteur: Lo Coms de Proensa Genre: Tenson fictive Numero: II, 2

Carn et Ongla, de vos no·m voill partir

I		Lo coms de Proensa
	1	Carn et Ongla, de vos no·m voill partir,
		tant vos trob ferm en plan et en montagna ;
		e poira m'en qi·s volra escarnir!
		qu'eu no·us partrai ogan de ma compaigna
	5	ni negun temps, mentre qe guerra aia.
		Pro sabra d'art toz homs qe·us me sostraia !
		Tant bon caval non sai ni tant espert,
		per qe m'er mal se ses armas vos pert.
II		Carn et Ongla respon :
		Per Dieu, Seigner, ben vos o dei grazir
	10	qe tan temetz qe vida me suffraigna ;
		ni no pogra a nuil seignor venir
		tant me plagues, quant hom m'aduis d'Espaigna.
		e si·m plages, no cuit y'eu vos desplaia,
		c'anc, pois m'ages, eu no pris colp ni plaia,
	15	anz mançi pro, e·m tenon ben cubert,
		et er me mal se per aicho mi pert.
III		Coms de Proensa :
		Carn et Ongla, vos ai, e dompna gaia,
		e fort castel, cui qe pes o cui plaia,
		per q'eu vos dic e·us fatz saber en cert :
	20	mais voill vivatz qe Gigo de Galpert.
IV		Carn et Ongla
		Per Dieu, Seigner, [tot] aicho no m'esmaia,
		mas lo cairellz c'om ditz: « Sobre fol zaia! ».
		D'aqel ai eu gran paor e·m [n'e]spert,
		per c'a Saint Marc lo volgr'aver offert.