Gérard-Zai, Marie-Claire. Édition d'une romance parodique en ancien occitan: "L'altrier cuidai aber druda". "Studia occitanica in memoriam Paul Remy", ed. de H.-E. Keller. Kalamazoo: Western Michigan University, 1986, vol. 2, pp. 53-63.

Code: 461,146 Auteur: Anonyme Genre: Sirventes Numero: -

L'altrier cuidai aber druda

I		L'altrier cuidai aber druda,
		Tota la meillor
		C'onques egusse veguda
		Et la belisor.
	5	Velle antive, paupre et nuda,
		Ben parlant d'amor,
		Trames per oc que·l saluda
		Et fac plaz gensor.
		Mais la trace, malastruda!
	10	Qu'eu per liei oi dat
		- Vels vin e troblat,
		Peis et por salat,
		E l'oi calçada et vestuda -
		Si m'en ab boisat
	15	Qu'en loc d'amige es venguda
		En tens tenebror;
		Tint son pan ensor,
		Et eu sus li cor;
		Et trobai la piau caluda,
	20	Tor del col espaulle aguda,
		Memella pendant et viuda
		Con bors' a pastor,
		Pis ossut et plat
		E·l ventre ridat,
	25	Maigre rains et cuisse ruda,
		Dur genoill etflat.
		Et quant l'ai aperçu[bu]da,
		Es me vos irat;
		Ab itant vir a la fuda,
	30	Non sui arrestat.
II		Tan m'en es el cor creguda
		Rancune et gramor
		Que continence ai perduda
		D'amar per amor,
	35	Que pensava la canuda
		Que non ab calor
		E volie essre batuda
		Subra son tabor.
		Non ab tan langue esmoluda
	40	Qu'egusse acontat
		De mei la metat
		Del mal qu'ab pensat
		Dont deurie essre teguda
		Per son lait peccat:
	45	Tos et gutta et mal qui suda
		Sanz aber retor,
		Freit et seif et plor
		Od fresche dolor;
		Ni ja·l tendre, ni paruda
	50	Que non sie a mort feruda;
		Ainz tal mal qui non la tuda
		La teigne en langor;
		N'el non ait benfat
		For pan mesalat
	55	Et carne de vella truda
		Ou de porc sorsemat,
		Pis de mar qui de loig puda,
		Vin cras et boutat:
		Ja·n nen es tant irascuda
	60	Que·m quides vengat.