Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire
* Rimaire

* Présentation
* Bibliographie
* Témoignage
* Appareil critique
* Notes
* Traductions
* Images

Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Code: 080,010 Auteur: Bertran de Born Genre: Canso Numero: V

Sel qui camja bon per meillor

I
1
Sel qui camja bon per meillor,
   
Se·l mielz prent, ben deu mais valer.
   
Qu’ieu ai cor, e Dieus do·m poder,
   
Que tant serva al miellz et aor
 
5
Que de l’ira e de la dolor
   
O·m mes sil qe·m degra valer
   
Qui·m traït e cuget m’aucire
   
Plaza·il que·m torn en bon esper.
   
Q’enves mi no·is pot escondire
 
10
C’al seu tort no·m dones lezer.
     
II
 
Lemozin, ben vos deu plazer
   
Q’ara·us es vengutz Meillz-de-Be :
   
Tant quant mars clau ni terra te
   
Non a domna on puosca caber
 
15
Lo bes q’om pot en leis vezer.
   
No·i a joi, qui de leis no·l te,
   
Q’ella sap tan gen far e dire
   
Tot so qu’a bon pretz aperte
   
C’ab son joi fai los iratz rire ;
 
20
Tan avinentmen se capte.
     
III
 
Ja’questa vos dic que mante
   
Pretz e joi (tant ama·n honor,
   
Joven e solatz et amor
   
Et acuoill) ; don a e rete
 
25
Grat de totz cels qui si conve ;
   
Per que tuit sei corteiador
   
Parton d’enant lei ab desire,
   
Tant lor a sos vezers sabor ;
   
C’om no la ve que non cossire
 
30
C’anc de sos oilz non vi jensor.
     
IV
 
Et a·m covenguda s’amor
   
Can volra cavalier aver ;
   
Que cel qui mais sabra valer
   
Soffrira per entendedor.
 
35
Et er ben malvatz qui non cor
   
Al cors on hom met tant d’aver :
   
Qe·l meillz c’om puosca el mon eslire
   
Pot gazaignar e conquerer
   
S’es larcs e adreitz e servire
 
40
E sap far e dire plazer.
     
V
 
Guillelme Bertram, fai saber
   
Per tot aqest dir de part me.
   
E qui pros er, esforze·n se,
   
Paubre e ric, segon poder,
 
45
Q’ella volra son dig tener
   
Que cel on mais veira de be
   
N’aura guierdo ses desdire
   
 . . . . . . . . . . . . . . . . . . . . . .
   
Qu’en tal loc vol son joi assire
 
50
 . . . . . . . . . . . . . . . . . . . . . . .
     
E
 
Guillelm’, a Torena vai dire
   
A·N Bos qe·is captegna tan be
   
C’om puosca d’uoi enan eslire
    Qe Amors de son joi l’estre.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI