Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire
* Rimaire

* Présentation
* Bibliographie
* Témoignage
* Appareil critique
* Notes
* Traductions
* Images

Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Code: 080,033 Auteur: Bertran de Born Genre: Sirventes Numero: X

Pois Ventadorns e Comborns ab Segur

I
1
Pois Ventadorns e Comborns ab Segur
   
E Torena e Monfortz ab Gordo
   
Ant faich acort ab Peiregos e jur,
   
E li borzes si claven de viro,
 
5
M’es bel q’ieu chant e que m’en entremeta
   
D’un sirventes per lor assegurar ;
   
Q’ieu non vuoill ges sia mia Toleta,
    Per q’ieu segur non i pogues estar.
     
II
 
Ha ! Puoig-Guillem e Clarenz e Graignol
 
10
E Saint-Estier, mout avetz grand honor,
   
Et eu meteus, qui conoisser la·m vol,
   
Et a sobrier Engolesmes, maior
   
D’En Charretier que guerpis la charreta ;
   
Non a deniers ni no·n pren ses paor ;
 
15
Per qu’ab honor pretz mais pauca terreta
    Q’un gran empier tener ab desonor.
     
III
 
Si·l rics vescoms que es caps dels Gascos,
   
A cui s’aten Bearns e Gavardans,
   
E·N Vezians, si·s vol, e·N Bernardos
 
20
E·l seigner d’Aics e cel cui es Marsans,
   
D’aqesta part aura pro·l coms que fassa ;
   
Et eissamens, aissi cum el es pros,
   
Ab sa grand ost q’atrai e que amassa,
    Poie s’en sai e aioste·is ab nos !
     
IV
25
Si Taillaborcs e Ponz e Lezinans
   
E Malleos e Taunais fos en pes
   
Et a Siurac fos vescoms vius e sans,
   
Ja non creirai que non nos aiudes ;
   
Cel de Toartz, pois lo coms lo menassa,
 
30
Tenga s’ab nos e non sia ges vans !
   
E demandem li troque dreich nos fassa
    Dels homenes qe·ns a traitz d’entre·ls mans !
     
V
 
Entre Peitau e la Ysla-Bochart
   
E Mirabel e Laudun e Chinon,
 
35
A Clarasvals ant bastit ses regart
   
Un bel chaslar e mes en plan chambon ;
   
Mas non vuoill ges lo sapcha ni lo veia
   
Lo Reis Joves, car no·il sabria bon ;
   
Mas paor ai, pois que tant fort blancheia,
 
40
Q’el lo veira ben da Matafellon.
     
E
 
Del rei Felip sabrem ben s’il paireia
    O s’il segra·l bon usatge Carlon
     
E'
 
D’En Taillafer, que per seignor l’autreia
    D’Engolesme don el l’en a fait don.
     
E''
45
E non es dreitz de rei que ren autreia,
    Pos a dich d’oc, que mais diga de non.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI