Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Code: 080,043 Auteur: Bertran de Born Genre: Sirventes (fragment) Numero: XXXIX

Un sirventes fatz dels malvatz barons

I	1	Un sirventes fatz dels malvatz barons,
		E ja mais d’els no m’ausirez parlar,
		Q’en lor ai fraiz mais de mil agulions,
		C’anc no·n puoic far un correr ni trotar,
	5	Anz se laissen ses clam deseretar.
		Maldiga·ls Dieus ! E que cujan doncs far
		Nostre baron ? C’aissi cum us confraire
		Non i es uns no·l poscatz tondr’e raire
		O ses congrenz dels qatre pes ferar.
II	10	Lous e N’Aimars, N’Aqenbauz e·N Guions
		Degran oi mai lor joven demostrar ;
		Quar joves rics cui non platz messions,
		Cortz ni guerra, non po en pretz montar
		Ni·s fai temer ni grazir ni onrar ;
	15	. . . . . . . . . . . . . . . . . . . . . . . . . . . .
		Que da Londres troqu’a la ciutat d’Aire
		No·n i a un qu’en la terra son paire
		No·il faisson tort senes tot caloingnar.