Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Code: 080,016 Auteur: Bertran de Born Genre: Sirventes (Sirventes joglaresc) Numero: XLI

Fuilhetas, ges autres vergiers

I	1	Fuilhetas, ges autres vergiers
		Non fai fuilhar mars ni febriers
		Mas vos, qe vos es trop cochat
		De montainha sai devallat,
	5	Enanz qe granz cauz s’abata ;
		Q’ieu ai ja vist albre fuilhat
		Qe·s cocha, pueis ges lo mata.
II		Mas totz temps isses voluntiers
		De vostra terr’ab los primiers,
	10	Anz qe sia li flors el prat.
		E fatz comte de paupertat,
		Con vos e vostra’scata
		Ha tengut l’inverns enserrat,
		Q’anc uns no·n passet la lata.
III	15	Fuilhetas, sias soudadiers
		N’Archimbaud, qi nasqet derriers,
		Qe l’autres o ha tot laissat
		De proeza e el gazainhat.
		E pos leu e gen barata,
	20	E·l vei adreit ez alinhat,
		Lau qu’en proeça s’abata.
IV		Na Tempre, vos est trop leugiers,
		E fatz o qoma esparviers
		Que·s laissa, qant ha randonat ;
	25	Mas ieu, con sahus aficat,
		Des q’e la rota m’abata,
		Non auria mil ans camjat
		Q’ieu sivals tot jorn no·i glata.
E		Na Tempre, ges de Lieucata
	30	Non sui, anz o hai tot laissat
		Ez estauc a Damiata.