Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique

* Présentation
* Notes
* Traductions
* Images

Serra-Baldó, Alfons. Els trobadors. Barcelona: Barcino, 1934 (2a ed. 1998).

Code: 434a,016 Auteur: Serveri de Girona Genre: Sirventes Numero: XXXVII

Dels lays dels auzelos

   
[CANÇÓ*]
     
I
1
Dels lays dels auzelos
   
c’ay auzitz en la prada,
   
ay ma lenga filada
   
a lau dels francs plas pros,
 
5
car mandatz e somos
   
en suy d’un’aut’honrada
   
qu’es de gauig fruitz e flors,
    e dels honrans honors.
     
II
 
Si ma lenga no fos
 
10
en tan fort loc pausada
   
e dins dos murs serrada
   
fortz e meraveyllos,
   
fera autra liços
   
dels autz manenz mostrada;
 
15
car aixi pert valors
    tot quant a ses socors. 
     
III
 
Del dir soy desiros,
   
mas la lengu’es liada
   
al cor ez afrenada
 
20
d’un fort fre temeros
   
ez abutramoros,
   
qui la te aturada;
   
car non es fin’amors
    lay on non es temors.
     
IV
25
Temors fa·ls gays iros
   
ses amor c’a durada;
   
non es temors payada
   
ses amor entre dos,
   
ans fa·ls francs cossiros
 
30
e braus temors irada
   
volen dels braus seynors
    que façon tost mal cors.
     
V
 
La lenga te homs bos
   
en son ferm cor fermada,
 
35
ez en la lenga fada
   
portal cor erguyllos,
   
per qu’es pauc poderos
   
cors en lenga malvada
   
qui frayn castels e tors
 
40
ez auci los myllors.
     
VI
 
Mas seynor valeros
   
es força mal gardada,
   
e lenga laig menada
   
s’escap dels cabalos,
 
45
car senz, cors e razos,
   
tayn la lengu’asenada,
   
ez amors e paors
    d’errar, qu’es grans dolors.
     
VII
 
La Domna dels Cardos
 
50
e Sobrepretz m’agrada;
   
car say que·l platz l’amors
    mas c’autre·n ve honors.
     
VIII
 
Al rey platz plas ditz bos
 
 
mays que rima trencada;
 
55
don ditz plas m’es douçors,
    car li platz, e valors.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI