Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 411,002 Auteur: Raimon Vidal de Bezaudun Genre: Canso Numero: CCXXIX

Belh m'es, quan l'erba reverdis

I
1
Belh m'es, quan l'erba reverdis
   
e·l vergier son vestit de flors
   
e la fontayna s'esclarzis
   
e·lh ram son vermelh de colors.
 
5
ladoncx m'es pres novels talans
   
cum si' amoros e prezans
    l'estiu, e·l yvern atressi.
     
II
 
Tan fuy enves ma dona fis
   
que fina la trobei, senhors,
 
10
mas ara falh, si·m brunezis,
   
per qu'ieu me·n vau mudan alhors;
   
e suy me partitz dels engans
   
per autr'amor, cuy suy comans,
    per cuy totz mos cors chanta e ri.
     
III
15
Aquest' amors m'alegrezis
   
e·m dona ioy e·m tolh dolors
   
e·m reviu e·m reiovenis
   
e·m reconta manhtas valors;
   
sesta m'es conortz et enans
 
20
e·m restaura perdas e dans,
    quant yeu la vey et ella mj.
     
IV
 
Enans fuy sieus qu'ieu anc la vis,
   
e·l portey en mon cor honors.
   
mas quan la vey, totz m'esbays,
 
25
que·l ioy me·n tolh pura paors;
   
e remanc en aital duptans,
   
quar no puesc esser gen parlans
    d'aquo que pes ni·l cor me di.
     
V
 
Al comjat cug e·m repentis, 
 
30
quar mos digz no l'ay faitz gensors;
   
mar quar no puesc, me·n penedis,
   
e prenc lo pas e lays lo cors
   
e vauc cum folla res pensans
   
las vias e·ls camps traversans,
 
35
de say en lay, tot enaissi.
     
VI
 
Que·m val, pus elha no.m grazis,
   
digz o faitz o sens o follors,
   
o qualsque res no me servis
   
per qu'ieu no fos en tals errors?
 
40
lonc temps n'ay estat fadians;
   
e s'ella·s vol, fassa·s enans,
    qu'en la soa merce me·n fi.
     
VII
 
El plazer midons me suy mis
   
per so quar en lieys es m'amors;
 
45
e pus elha m'a tot conquis,
   
be·m degra far semblans melhors.
   
que·l pretz de lieys es ricx e grans,
   
hom non sia meravellans,
    s'ieu suy totz sieus, lay o aissi.
     
VIII
50
Pus sos pretz es ricx e montans,
   
hom non sia meravellans,
    s'ieu suy totz sieus, lay o aissi.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI