Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 461,224 Auteur: Anonyme Genre: Dansa Numero: XVIII

Sitot chantar non m'enansa

liij.
I	1	Sitot chantar non m’enansa (f. 46)
		De leis que nom vol valer,
		Chantarai car ieu n’esper
		Gran ben e gran malanansa.
II	5	Mas pos permier m’en ven[c] mals
		Non n’aurai ben leu vescut
		Am joy, e si m’en ven als
		Non n’ aurai mon tems perdut ;
		Per que sem don alegransa
	10	Non so deu a mal tener
		S’ella doncs non deze[s]per
		Ni n’auz’aver esperansa.
III		Tant pris illis coralment
		Que ren non say on me son
	15	Mantas ves, qui quen reprent.
		Ben ho pot far per razon,
		Qu’ieu vive en tal balansa
		Antendens en leys plazer ;
		E s’ieu muer, non cal temer
	20	Qu’autre n’aya s’amistansa.
IV		Las ! Mala viron mi vuell
		Sa plazent beutat ses par,
		Qu’ellam donna tant d’erguell
		Quellan fai Dieu reneguar,
	25	Soven, car non ai menbransa
		Dels mals quem fay sostener,
		E non n’ai mon bon voler
		Ni ren non plai m’acundansa.
V		A ma guerieira vai, dansa,
	30	Dir qu’ieu vuell son desvoler ;
		Plai me tot son desplazer ;
		Vejas com vuell s’amistansa !