Arveiller, Raymond; Gouiran, Gérard. L’œuvre poétique de Falquet de Romans, troubadour. Aix-en-Provence: C.U.E.R. M.A. - Université de Provence, 1987.

Édition revue et corrigée pour Corpus des Troubadours, 2013.

Code: 156,009=310,002 Auteur: Falquet de Romans , Nicolet de Turin Genre: Échange de coblas Numero: XI

Nicolet, gran malenansa

		Falqet de Romans a Nicolet :
I	1	Nicolet, gran malenansa
		ac, can vos vi desconfire ;
		mais vos valgron qe la lanza
		li esperon, zo auc dire ;
	5	d’aizo no vos podetz esdire
		qe l’ausberc e·l bran redolen
		rendes ses colp ad un serven,
		ni no·us en podetz escondire ;
		gardatz si fezes faillimen
	10	vas la bela qe·us acuoill gen !
		Nicoletz de Turin li respondet :
II		Trop son de dur’acoindanza
		Borgoignon, per qe·ls adire,
		Falqet, q’a la comensansa
		me tolgron solatz e rire ;
	15	enoios son, al meu albire,
		per qe·m parti de lor fugen
		e segi lo comte valen
		Godofre, de cui sui servire,
		e·l pro comt’Ubert eissamen
	20	c’avia de vezer talen.