Boni, Marco. Sordello, Le poesie. Nuova edizione critica con studio introduttivo, traduzioni, note e glossario. Bologna: Palmaverde, 1954.

Code: 437,021 Auteur: Sordel Genre: Sirventes Numero: XIX

Non pueis mudar, qan luecs es

I	1	Non pueis mudar, qan luecs es,
		q’ieu non chant o no gronda
		qe·l baron si sont espres,
		entr’els an conprat fonda.
	5	En coms, tot assesmat es
		c’om vos rasa e tonda
		en redon
		per piez puiar contramon.
		En Raimon,
	10	menbre·us d’en Peire Bremon.
II		En coms, aitant hay apres:
		qe tals es en Gironda,
		qi·l mieilh de vostre paes,
		e vostra cort rebronda.
	15	Am lur rendas e lur ses,
		si Dieus no vos avonda,
		trosq’al fon
		chascus a cor que·us rebron.
		Mas bauc son,
	20	qar n’atendon l’aurion.
III		Se çai ven * * *
		qi fon seinher d’Argensa,
		coms, ben sai que seres duc
		clamatz, a ma parvensa,
	25	e qe volares hueilh cluc
		de Roine trosq’a Vensa,
		qui qe n’uc.
		Chascus ha cor qe·us peluc,
		si q’el çuc
	30	remanra[n] blanc li peçuc.
IV		Ben sai si lor e * * *
		de tan n’ai sovinensa,
		qe fols plus caus d’un sanbuc
		sai qe n’a penedensa,
	35	qan veires al primer uc
		trapenar sa valensa
		del faduc,
		qi mal sembla del Bauz n’Uc,
		e ses truc
	40	val mens q’om mortz en taüc.
V		.  .  .  .  .  .  .  .  .  .  .  .  .  .  .
		.  .  .  .  .  .  .  .  .  .  .  .  .  .  .
		.  .  .  .  .  .  .  .  .  .  .  .  .  .  .
		.  .  .  .  .  .  .  .  .  .  .  .  .  .  .
	45	.  .  .  .  .  .  .  .  .  .  .  .  .  .  .
		.  .  .  .  .  .  .  .  .  .  .  .  .  .  .
		.  .  .  .  .  .  .  .  .  .  .  .  .  .  .
		.  .  .  .  .  .  .  .  .  .  .  .  .  .  .
		.  .  .  .  .  .  .  .  .  .  .  .  .  .  .
	50	.  .  .  .  .  .  .  .  .  .  .  .  .  .  .
VI		Aitan aug dir en Blacatz,
		con qi non i me[n]tria:
		s’als pros Provensals presaz,
		en q’aves seinhoria,
	55	ço qe tolles rendias,
		chascus vos amaria
		lialmen:
		pero vos son desirven,
		qar soven
	60	scorjatz la croz per l’argen.