Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Dejeanne, Jean Marie Lucien. Poésies complètes du troubadour Marcabru. Toulouse: Édouard Privat, 1909.

Code: 293,012a Auteur: Marcabru Genre: Vers Numero: XII bis

Bel m'es can s'esclarzis l'onda

I
1
     Bel m'es can s'esclarzis l’onda
   
     E qecs auzels pel jardin
   
S'esjauzis segon son latin;
   
     Lo chanz per lo[s] becs toronda,
 
5
     Mais eu trop miels qe negus.
     
II
 
     Qe scienza jauzionda
   
     M'apres c'al soleilh declin
   
Laus lo jorn, e l'ost' al matin,
   
     Et a qec fol non responda
 
10
     Ni contra musar[t] no mus.
     
III
 
     Car l'Avole(n)za reco(i)nda
   
     A semblan del flot marin,
   
Per q'ieu segnhorei mo[n] vezin,
   
     E no vueil ges de mi bonda
 
15
     So don hom m'apel caüs.
     
IV
 
     Ia non er mais sazionda
   
     Enveia tro en la fin,
   
Ni Cobezeza atressi,
   
     Q'evejos e dizironda
 
20
     Vai e reven al pertus.
     
V
 
     Ni non cug mai que·s resconda
   
     Malvestatz, c'a plen camin
   
Segon ja li ric son traïn,
   
     E can[c] Avolez' ab(l)onda
 
25
     E[s] Malvestatz crup de sus.
     
VI
 
     A ! greu aura ia vergonda
   
     Putia de gros bosin,
   
Mas nafrot baldit baboïn
   
     Ja acueilh, car li aprionda
 
30
     Soven, qi qe s'en graüs.
     
VII
 
     Car el n'a la clau segonda
   
     Per qe·l segner, so·us afin,
   
Porta capel cornut conin,
   
     C'ab sol un empeu[t] redonda
 
35
     Si donz, lo ditz Marcabrus.
     
VIII
 
     E non puesc mudar non gronda
   
     Del vostre dan moillerzin,
   
E pos re[s] non reman per mi
   
     Si l’us pela l'autre tonda
 
40
     E reuerc contra raüs.
     
IX
 
     Que·l vostre domnei[s] sobronda
   
     E sembla joc azenin
   
E de loc en loc ris canin
   
     E qer com Dieus lo confonda
 
45
     Qi sobre lot be vol plus.
     
X
 
     Se·l segnoriu[s] de Gironda
         Poia, encar poiara plus,
     
   
     Ab qe pense com confonda
         Paias, so·ilh manda Jhezus.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI