Ernst, Willy. Die Lieder des provenzalischen Trobadors Guiraut von Calanso. "Romanische Forschungen", 44, 2 (1930), pp. 255-406.

Code: 243,004 Auteur: Guiraut de Calanson Genre: Canso Numero: IX

Ara s'es ma razos vouta

  

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

   

I	1	Ara s’es ma razos vouta
		E mos cors camjatz e voutz
		Vas leis c’a son tort m’a touta
		S’amor, per qu’ieu li soi toutz,
	5	Don sia de part mi souta,
		Qu’ ie·m tenc de part leis per soutz,
		E prenga·n, si·s vol, destouta,
		Qu’ieu soi per tostems destoutz
II		De leis e de son servir,
	10	Quar tan l’ai sobreservida.
III		De la soa aspra companha
		E en tal luec m’acompanh
		On truep privada estranha
		Dona ses fals cor estranh,
	15	Que per sa merce s’afranha
		Ves mi, s’ieu per leis m’afranh
		Tan que sieus lieges remanha,
		Pos mieus enaisi remanh.
IV		Sieus soi ses part remazutz,
	20	Que no·m es ges remazuda
		De leis cui soi cor avutz
		Plus fis qu’ill no s’es avuda,
		. . . . . . . . . . .
		Per so·s n’es m’amor rompuda,
	25	E pos lo tortz es mogutz
		De leis e ill colpa moguda.
V		Eu soi sel, sol gen m’aprenda,
		Que fort pauc de dan m’en pren ;
		E si no·m quer ni s’esmenda,
	30	Lai, on li plassa, s’esmen !
		Enaisi s’es la fazenda
		Camjada parlan fazen
		C’ami platz que ves tal tenda,
		S’il coven, que·m ditz m’aten ;
VI	35	Qu’es totz aitals com ieu vueill,
		E s’ill platz c’amar me vueilla,
		Que un ser lai mi despueill
		On sos gens cors si despueilla,
		Fols serai, si del trefueill
	40	Vau queren la carta fueilla.
VII		S’atendre·m vol sol la bela
		Que·m promes, quan li fon bel,
		El vergier jos la novela
		Flor ongan el tems novel,
	45	E del mieu plag be·s capdela,
		Pos a lieis vauc per capdel,
		No sai dona ni piucela
		Qu’engal d’un tozet piucel
VIII		No·m pogues latz si colgar,
	50	Si sera sola colgada :
		Tan m’en fan l’ueill azautar.
		A ! qui es tan azautada !
		Doncs ja non o deu tarzar,
		Quar amors, qu’es trop tarzada,
	55	Non pot leu fina durar,
		Pos om l’ac trop endurada.
IX		Dona,·l meils que·us sai pregar
		Vos prec : que siatz pregada
		De mi, qu’el mieu meillurar
	60	Seres, si·us platz, meillurada.
X		Papagei, de vos amar
		Me lai, car sai qu’es amada
		De tal que·us a fag camjar
		Cor, per qu’ieu vos ai camjada.