Ricketts, Peter T. "A l'alena del vent doussa" de Marcabrun : Édition critique, traduction et commentaire. "Revue des Langues Romanes", 78 (1968), pp. 109-115.

Code: 293,002 Auteur: Marcabru Genre: Vers Numero: -

A l'alena del vent doussa

I	1	A l’alena del vent doussa
		que Dieus nos tramet, no sai d’on,
		ai lo cor de joy sazion
		contra la dousor del frescum
	5	quan li prat son vermelh e groc.
II		Belh m’es quan son ombriu li mon,
		e.ls auzels desotz la verdon
		mesclon lurs critz ab lo chanton,
		e quascus, ab la votz que an,
	10	jauzis son parelh, en son loc.
III		De say sen um pauc de feton,
		que lai torna.l pel al bussa :
		qu’encaritz son li guasta-pa,
		quais per elh son gardat li don,
	15	qu’estrayns mas lo senher no.y toc.
IV		Si.ls gilos s’en van seguran
		e li guardador jauzion,
		ges egual no chant e respon,
		qu’ilh van a clardat e ses lum ;
	20	quan vols, t’en pren ab eis lo broc.
V		D’aquestz sap Marcabrus qui son,
		que ves luy no van cobertan
		li guandilh vil e revolum ;
		gilos que.s fan baut guazalhan
	25	meton nostras molhers en joc.
VI		Greu cug mais que ja lur don
		aquist soldat ; vey qu’estraitz pla
		seguon la natura del ca :
		pus lo guos ro e.l lebriers gron,
	30	de sus ves del plat bula.l foc.
VII		Qu’entr’els non a clau ni meja
		qu’els non aion del plus preon
		e del frug lo prim e.l segon ;
		cist fan la malvestat rebon
	35	quan no.s fan donar non per oc.
VIII		Gilos pus de sa foudat bon,
		enfla, desenfla e refon ;
		saber deu qual vetz a puta,
		si non, digua que mays no.n poc.