Coulet, Jules. Le troubadour Guilhem Montanhagol. Toulouse: Imprimerie et Librairie Édouard Privat, 1898.

Codi: 225,001 Autor: Guilhem de Montanhagol Gènere: Deux coblas avec tornada Número: I

 

A Lunel lutz una luna luzens

I	1	A Lunel lutz una luna luzens
		Que dona lum sobre totas lugors:
		D'aqui preu lum jois, dompneis ez amors,
		E gais solatz, e beutatz, e jovens.
	5	E quan le lums pres a Lunel luzensa,
		Qu'enlumina daus Tolza part Proensa,
		Estavo jois e dompneis tenebros;
		Mas ara·ls fai Lunels luzir amdos.
II		Le noms del lum es clars e resplandens,
	10	Qu'aitan vol dir als bons entendedors
		Gauseranda com gai seran e sors
		Cilh qui veiran sos gais captenemens,
		E que jois er donatz cui ilh agensa,
		E que jauzen seran de gran jauzensa
	15	Ela e cilh que volra far joios:
		Vers es le noms, qui be l'enten, e bos.
III		Guirautz Amics, li savi de Proensa
		Digo·m del nom, si·ls platz, lor entendensa,
		Quar si·n dizo mielhs, ieu no·n suy gilos,
	20	Tan vuelh del nom que valha sobre·ls bos.