Stroński, Stanislas. Le troubadour Elias de Barjols. Toulouse: Imprimerie et librairie Édouard Privat, 1906.

Codi: 132,002 Autor: Elias de Barjols Gènere: Canso Número: XIII

 

Amors, be·m platz e·m sap bo

I	1	Amors, be·m platz e·m sap bo
		quar per vostres faitz vilas
		mensongiers e soteiras
		vos mesprendon tug li pro ;
	5	tot per la vostra faillida
		vos fui cascus e·us oblida
		e pe·ls fols captenemens
		que faitz tan dezavinens.
II		Amors, ieu vi la sazo
	10	que vos eratz flors e gras !
		ar vei dels plus sobeiras
		qe·n tenon tug mal resso ;
		c’aissi·us es enmalezida
		q’a cels qi·us an obezida
	15	es mensongeir’ e volvens
		e sirvetz los dessirvens.
III		Amors, ieu no sai baro
		tant sia ioves efas
		que mezes dos astezas
	20	ni·us servis ses guizardo ;
		per que cil vos aun gequida
		qi·us an longuamen servida,
		car meins n’a de iauzimens
		qui plus vos ser lialmens.
IV	25	Amors, aissi·us dic de no,
		qu’ieu no soi en vostras mas
		.     .     .     .     .     .     .     .
		qui·s met en vostra preizo ;
		e gart me Dieus d’aital vida,
	30	que ia no·m si’ escarida
		qu’ieu vos si’ obediens
		ni·m torn e·ls vostres turmens.
V		Al valen rei de Leo
		qu’es senher dels Castellas
	35	cui eu soi amicx sertas
		tramet, si·ll platz, ma chanso ;
		e si er per lui grazida
		meils n’er cantad’ et auzida
		qu’el es sobre·ls plus valens
	40	lars e adrei[z] e plazens.
VI		.   .   .   .   .   .   .   .] don vida
		car au [.   .   .   .   .   .   .   .
		.    .    .    .    .    .    .    .    .
		.    .    .    .    .    .    .    .    .
VII	45	Ies sa valor(s) no·m oblida
		de la comtessa grazida,
		Biatris, ni sos bos senz
		ni sos bels captenemenz.