Sakari, Aimo. Poésies du troubadour Guillem de Saint-Didier. Helsinki: Société Néophilologique, 1956.

Codi: 234,012 Autor: Guilhem de Saint Leidier Gènere: Tenso (Tenson fictive?) Número: IX

 

En Guillem de Saint Deslier, vostra semblanza

I	1	En Guillem de Saint Deslier,   vostra semblanza
		Mi digatz d'un soin leugier   qe·m fo salvatge:
		Qu'ieu somjava, can l'autr' ier   en esperanza
		M'adurmi ab lo salut d'un ver messatge,
	5	En un vergier plen de flors
		Frescas, de bellas colors,
		On feri uns venz isnels
		Qe frais las flors e·ls brondels.
II		Don, d'est sompni vos dirai, segon m'esmanza,
	10	Q'eu en conoisc ni m'es vis en mon coratge:
		Lo vergiers, segon q'en penz, signifianza
		Es d'Amor, las flors, de domnas d'aut paratge,
		E·l venz, dels lauzenjadors,
		E·l bruiz, dels fals fegnedors,
	15	E la frascha dels ramels
		Nos cambi' en jois novels.
III		En Guillem, un arbre vi d'estragna guiza
		Deguizat mais de colors c'om non sap pegnier;
		Aqel fer tan fort lo venz e fraing e briza
	20	La genzor flor q'em folla la fait estregnier,
		E vi mai: d'un surigier
		En l'air' un astor gruyer,
		Con un falco montargi
		C’ab una grailla fai ni.
IV	25	Don, l'arbres qe vos lai vist, es domn' en guiza
		Qi laissa grant part de gent de s'amor fegnier,
		E la flors qe vos lai vist el ram asiza
		Es domna qe granz crimz baiss' e fai estregner,
		E·l vezins del surigier
	30	Drutz qe fan amar dinier,
		E del falcon atressi
		Drutz valenz que lai s'aizi.
V		En Guillem, una flor lai vi bell' e blancha
		Qe vas totas partz respland e segnoreja;
	35	Aqi lo venz non fer ges, mas se restancha,
		Ni·l flors no·i pert sa valor ni rams no·s pleja;
		Cujei montar lai on fon
		E vi lonc leis un leon
		Et environ no sei qanz
	40	Veltres e lebrers renanz.
VI		Don, la flor qe vos lai vist es domna francha
		On beutatz e pretz e joia segnoreja,
		On malvestatz non fer ges, mas se restancha,
		Cui cobeitatz d'Amor eus non fai enveja,
	45	E li veltre d'eviron,
		Malvatz lauzengier fellon,
		E·l lions, gelos bruianz
		Per qe nos moc l'espavanz.
		Da
I	1	En Guillems de Saint Disder,   vostra semblanza
		Me digaz d'un sompni ver   qe·m fo salvage:
		Qu'ieu somjava, can l'autr' er   per esperanza
		M'adormi ab los saluz d'un ver message,
	5	En un verger plen de flors
		Frescas, de bellas colors,
		On feri' uns venz isnels
		Que frais las flors e·ls brondels.
II		Don, del sompni vos dirai, segon m'esmanza,
	10	Ço q'eu m'en pes ni·m n'albir en mon corage:
		Lo vergers, segon q'en penz, significanza
		Es d'Amor, e las flors domnas d'aut parage,
		E·l venz dels lausenjadors
		E bruiz dels fals feignedors
	15	Que baissa los pretz isnels
		Nos cambi' en jois novels.