Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Rimari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Radaelli, Anna. Raimon Gaucelm de Béziers. Poesie. Firenze: La Nuova Italia, 1997.

Codi: 401,006=268,001 Autor: Raimon Gaucelm de Bezers, Joan Miralhas Gènere: Tenso Número: IX

 

Joan Miralhas, si Dieu vos gart de dol

I
1
Joan Miralhas, si Dieu vos gart de dol,
   
cal re·s plai mai d’aquesta partizo:
   
que sïatz totz redons del cap tro·l sol,
   
o totz fendutz del pe tro al mento
 
5
e que portes sobre·l nas la culveta?
   
Dïatz m’en ver ades, ses falhizo,
   
si non en vas dirai c’a’ital falveta
    que non devetz far cobla ni tenso.
     
II
 
Ramon Gauselm, ja negus, ab mo val,
 
10
no vuelh semblar, ni n’ai <en be> razo!
   
Mas <l’un> penrai, per la festa c’om col!
   
Mais am esser trop fendutz que no pro,
   
c’al mens aurai pider qu’e<s>pas<·s> ses meta,
   
si tot m’estai lo braguier sul guinho,
 
15
et a vos lais que sembles feisseneta
    e cavalgues en travers, si·eus sap bo.
     
III
 
Joan, pueis poiretz al son del flaütol
   
balar! Mas pietz avetz pres, per razo,
   
que non fai sei que·s calfa al cruol
 
20
e laissa·l foc bel clar al foguairo,
   
car s’aitals es, mais vielha ni tozeta
   
non cre·us vuelha, e pus aital faisso
   
voletz aver, Dieus prec que la·us trameta
    e garde·n mi que deziros no·n so.
     
IV
25
Pus tant vos platz la faisson del mojol,
   
Ramon Gaucelm, ve·us un deport trop bo:
   
vos rodolas, et ieu irai per sol
   
et a l’ussol farai ne bodoisso.
   
E si tant es que Na Cors Car trameta
 
30
que non anes ad ela de rando,
   
no·i vei cosselh mas qu’en una carreta
    en travers es. E no·us cal espero!
     
V
 
Joan, trop pus pec me semblatz que’n auchol,
   
per qu’ieu non pres vostre dig un boto:
 
35
car, si midons mi demanda ni·m vol,
   
far m’ai, si soi redons tro al talo,
   
portar a leis en cuberta carreta.
   
Vos seretz tal, qu’en cavalh sim l’arso
   
non i parres, e si·l vostre cul peta
 
40
de la bocca, esper <no> beure pro.
     
VI
 
Adzempratz es que portes un filhol
   
a la gleiza; Ramon, dïatz me co
   
lai anaretz, si doncx en carrïol
   
no·us faitz tirar, a tal carrïato!
 
45
Mai ieu venrai de bel’ambladureta
   
en palafre, e si trop fendut so,
   
et mieu mieg loc metrai una barreta
    e breujarai mos estreups de faisso.
     
VII
 
Joan, obs aura sïa fortz la barreta
 
50
que, si·<s> trenca, tal daretz del mento,
   
que creissera·n vostra fendedureta
    e vos fendratz tost per pauc d’ochaizo.
     
VIII
 
Ramon, si vos cazetz de la carreta,
   
obs i auran tug vostre companho
 
55
ans que·us levetz, e la vostra panseta
    esclatara, si avetz manjat pro.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI