Gambino, Francesca. Canzoni anonime di trovatori e "trobairitz". Alessandria: Edizioni dell'Orso, 2003.

Codi: 461,206 Autor: Anonyme Gènere: Chanson de femme Número: XXI

 

Quan vei les praz verdesir

I		Quan vei les praz verdesir
		et parens la flor granea,
		adonques pens et consir
		d'amors qu'ainsi m'a 'legrea
	5	per un pou non m'a tuea.
		Tan soen souspir
		c'ainc non vi tan for colea
		senes colp ferir.                      Aei!
II		Tota nuit souspir etveill
	10	et tressal tote endormia,
		per oc car veiaire m'es
		que·l meus amis se resia.
		A Dex, com seria garia
		s'ensi devengues
	15	una nuit, par escaria,
		qu'a me s'en vengues!             Aei!
III		Donna qui'n amor s'aten,
		ben de aver fin coraie:
		tal n'i a qu'ades la pren,
	20	puis la laissa per folaie;
		maiz eu l'en ten fin corage
		ensi lealment,
		c'ainc dosna del mieu parage
		non ou fiz tant gent.               Aei!
IV	25	Dosna qui amic non a,
		ben si gart que mais no n'aia,
		qu'amors pon ui e demag
		ni tan ni quan non s'apaia;
		senes colp fai mort et plaia;
	30	tal ia non garra
		per nul mege que ie n'aia,
		s'amors non lo·i da.                Aei!
V		Messagier, levaz matin
		et vai m’en la gran iornaa,
	35	la chançon a mon amic
		li portaz en sa contraa!
		Digas li que mol m'agraa,
		quan membres del song
		qu'el mi dist quan m'ot baisaa
	40	soz mon paveillon!                 Aei!
V		Dins ma chambre encortinaa
		fu il a larron,
		dins ma chambre ben doraa
		fu il en prison.