De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 133,013 Autor: Elias Cairel Gènere: Canso Número: LXXVIII

 

So qem sol     dar alegransa

I	1	So qem sol     dar alegransa
		Mi fai soven sospirar;
		Mas, per la bon’esperansa
		Q’ieu ai en so q’es a far,
	5	Voill chantar;
		Car     jes nom teing per pagatz
		Del segle qu’en es passatz
		Ni aquest nom platz;
		Car las poestatz
	10	Van     baissan
		Joi e solatz
		E valor merman.
II		Jois e sol-     atz a mermansa;
		Don dei joven encolpar
	15	Q’a mes joi, pretz et honransa,
		Cort e don e dompnejar;
		E d’amar
		Par     que s’es chascus laissatz,
		Don naissia larguetatz;
	20	Perq’ien sui iratz;
		Mas, s’ien fos amatz
		Tan     ni qan,
		Bem viratz
		De plus gai semblan.
III	25	C’amors vol     gaia semblansa;
		Mas ieu faill en razonar
		Lieis, q’es tornada en viltansa
		C’om non la pot gazaignar
		Ses comprar;
	30	Car     vendutz es lo mercatz;
		Don chascus es enganatz ;
		Pero ben sapchatz
		Q’iem sofrira en patz,
		Gran     afan,
	35	Totz forfatz,
		Sil fos benestan.
IV		Cel qeis dol     de benestansa
		Deu doblamen mal trobar;
		Sis fai q’ieu vei la balansa
	40	De ricor soven levar
		E baissar;
		Gar-     dar deu totz hom senatz,
		Qand es valens e presatz,
		Que nol prendal latz;
	45	C’om s’en vai viatz
		D’an     en an,
		Perqu’es fatz
		Quil ben vai tarzan.
V		Rossignol,     vai ses tarzansa
	50	L’Emperador gen pregar:
		Qem get’oimais de fiansa,
		Car trop lo vei demorar
		Outral Far:
		Par     non a ni non fo natz;
	55	Pero el s’es ben lauzatz,
		Malgrat dels malvatz
		Cui vei desfrenatz
		Tan     qu’auran
		Lo percatz
	60	Que deservit an.
VI		Dar      vuoill ma chanson, sil platz,
		A Na Ponsa part Duratz,
		Car jois e solatz
		E totas bontatz
	65	Van     doblan
		E beutatz
		El sieu cors prezan.
VII		Mar-     ques, si cor non compratz,
		Tart reignara Monferratz!
	70	E, si vos tardatz,
		Cil cui plus amatz
		Gan-     diran
		Vas totz latz,
		Que no vos segran.