Oroz Arizcuren, Francisco J. La lírica religiosa en la literatura provenzal antigua. Pamplona: Excma. Diputación Foral de Navarra - Institución Príncipe de Viana, 1972.

Edición crítica, traducción, notas y glosario. Versión revisada para Corpus des Troubadours, 2011.

Codi: 266,008 Autor: Joan Esteve Gènere: Chanson religieuse, chanson de pénitence Número: XXXVI

 

Lo senhor qu'es guitz

I	1	Lo senhor —qu’es guitz
		del mon, que totz bes
	3	fes,
		us vers Dieus complitz,
		humils, de merces
	6	ples;
		qui fo pels malditz
		iuzieus en crotz, pres,
	9	mes,
		mortz, d’espieut feritz,
		ses tort, coma fes
	12	es—
		prec —si cum es clars
		bars,
	15	reys dels reys, senhors,
		flors—
		qu’ab sos perdonars
	18	cars
		m’autreyes amors;
		qu’ab mos fals parlars
	21	vars
		suy avutz peiors
		c’ors,
	24	et e mos pesars
		fars-
		sits d’ir’e d’errors
	27	ab bauzia
		que·m galia,
		aissi mal obran
	30	l’an;
		quals que·m sia,
		merce·l sia
	33	de so que·l deman,
		tan
		que la mia
	36	arma·n ria
		l’ora trespassan;
		quan
	39	er lo dia
		done·lh via
		lay on li sal gran
	42	van.
II		De miey falhimen
		e de mos peccatz
	45	datz
		sia·m salvamen,
		si a sas bontatz
	48	platz
		del seynhor plazen
		a cuy non desplatz
	51	patz,
		ans n’a·n veramen
		bonas voluntatz
	54	gratz,
		e me a bon port
		fort
	57	l’arma del cor[s]dos,
		bos,
		humil, quan la mort
	60	mort
		lo e·il trenca·l nos;
		mar ieu, s’i recort,
	63	port,
		felh, cor ergullos;
		mos
	66	huelhs m’an dat conort
		tort,
		mal, mantas sazos
	69	ab semblansa
		quez enansa
		peccat que trahi
	72	mi;
		perdonansa
		n’er mondansa
	75	del rey qu’ey mati
		vy,
		qu’esperansa
	78	ses duptansa
		n’ay, qu’en als no·m fi
		nj
	81	n’ay membransa;
		per s’onransa
		don gaug a ma fi
	84	fi.
III		El sieu paradis
		on bruelha e nays
	87	mais
		de be qu’om no dis
		et es pus verays
	90	fais,
		si·l platz, m’aculhis
		Dieus, vers pas que·ns pays
	93	gays
		m’arma peccairis
		plena de forfais
	96	lays
		—qu’anc no saup tener
		ver,
	99	pus nasquet, em pes—
		des-
		torta dun dever,
	102	per
		sert: yeu li·m cofes,
		e plassa·l aver
	105	mer-
		ces, re no y gares
		d’es-
	108	m’; el gaug qu’ieu esper
		ser,
		mati, luenh o pres,
	111	del repaire
		on ad aire
		estan los lials
	114	sals,
		mi peccaire
		meta·l paire
	117	reys celestials
		quals
		nos volc traire
	120	de dezaire,
		qu’eram tug egals,
		mals
	123	ses estraire;
		denh o faire,
		no·y gar mos iornals
	126	fals.
IV		Lo salvaire
		perdonaire
	129	m’aya merce [eguals]
		tals
		quo al layre
	132	ac lo payre
		quand suffri mortals
		mals.