Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Rimari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Codi: 080,040 Autor: Bertran de Born Gènere: Sirventes Número: XXVII

 

S'ieu fos aissi senher e poderos

I
1
S’ieu fos aissi senher e poderos
   
De mi mezeys que no fos amoros,
   
Ni no m’agues amors el sieu poder,
   
Ben feira tan qu’a totz feira saber
 
5
Del rey Felip qual dolor ab qual dan
   
E quals dols es quar elh be non es pros
    E quar Peytaus vai si Fransa merman.
     
II
 
E si Richartz pren ab lebres leos,
   
Que no·y reman per plas ni per boyssos ;
 
10
Enans los fay dos e dos remaner
   
per sa forssa, c’us no s’auza mover ;
   
E cuja ben penre d’aissi enan
   
Las grans aiglas ab los esmerilhos
    Et ab buzacx metr’austors en soan.
     
III
15
E·l reys Felips cassa lay ab falcos
   
Los passeratz e·ls petitz auzelhos.
   
E siey home non l’auzan dire·l ver,
   
Quar pauc e pauc se layssa dechazer
   
Sai a·N Richart que l’a tolgut oguan
 
20
Engolesme don s’es fags poderos
    E Tolosa qu’el te sobre deman.
     
IV
 
E pus per sa terra non es yros,
   
Membre·l sa sor e·l marit ergulhos
   
Que la laissa e non la vol tener
 
25
– Aquest forfaitz mi sembl’a desplazer –
   
E tot ades que s’en vay perjuran,
   
Que·l reys Navars l’a sai dat per espos
    A sa filha, per qu’el ant’a pus gran.
     
V
 
E s’aissi pert sos dregz entre qu’es tos,
 
30
Lay quant er vielhs en sera vergonhos.
   
E ja Frances non aian bon esper :
   
Quar, a lor, tot qu’om sol sai tan temer
   
No prezon re, lur dig ni lur deman
   
Sai vas Peytau, enans s’en fan janglos
 
35
Quan son ensems En Richartz ab Bertran.
     
VI
 
E venran say ab las novelhas flors,
   
E lur bobans sera de sobr’en jos,
   
E ja Guasco no·i poiran pro tener
   
Que no·ns tollam lo Mon pres San-Sever
 
40
E Rocafort e quan tolgut nos an,
   
Si qu’en Peytau sera·n nostres brandos
    Gent alumnatz, si que tuit o veyran.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI